Kompressibilitet

Frå Wikipedia – det frie oppslagsverket
Gå til: navigering, søk

Kompressibilitet er i termodynamikk og fluidmekanikk eit mål på den relative volumendringa i eit fluid eller eit faststoff, som følgje av endringar i trykk eller spenning. Noko er inkompressibelt når det ikkje kan trykkjast saman.

\beta=-\frac{1}{V}\frac{\partial V}{\partial p}

der V er volum og p er trykk. Uttrykket over er ikkje fullstendig, fordi kompressibiliteten til eit objekt eller system òg er avhengig av om prosessen er adiabatisk eller isoterm. Som ein følgje av dette, kan ein definere isoterm kompressibilitet som:

\beta_T=-\frac{1}{V}\left(\frac{\partial V}{\partial p}\right)_T

der T indikerer at det partielle differensialet skal gjerast ved konstant temperatur.

Adiabatisk kompressibilitet definerast som:

\beta_S=-\frac{1}{V}\left(\frac{\partial V}{\partial p}\right)_S

der S er entropi. For eit faststoff er skilnaden mellom dei to definisjonane neglisjerbar.

Kjelder[endre | endre wikiteksten]