Kosakk-registeret i Russland
Kosakk-registeret i Russland (russisk Государственный реестр казачьих обществ) er sidan 1995 tillate friviljuge organisasjonar med kosakktradisjonar som har teke på seg å utføre ymse tenester for allmugen, men likevel ikkje kan setje opp militære eller paramilitære forband.
Kosakk-registeret[endre | endre wikiteksten]
Gjennom ei føderal lov av 2005 vert ein kosakk definert som ein russisk innbyggar som er medlem i eit godkjent kosakksamfunn. Ein kosakk som reknar seg sjølv som kosakk, men som ikkje er registrert i Kosakk-registeret, har ikkje rett til å utføre tenester for allmugen med den statusen og rettane som dette fører med seg.
Verksemd[endre | endre wikiteksten]
Kosakk-samfunna si verksemd er i høve lova definerte slik:
- Organisera militærpatriotisk utdanning av komande vernepliktige som høyrer til i kosakk-samfunna, førebu dei for den ålmenne verneplikta og vidareutdanna dei til militærreserven.
- Delta i verksemder for å førebygga og eliminere verknaden frå ulukker og naturkatastrofar som del av sivilforsvaret, territorialforsvaret og miljøvernet.
- Medverka ved oppretthalding av ålmenn orden, tilsyn av miljø- og brandtryggleik, vern av statsgrensa og delta i kampen mot terrorismen.
- Utføre andre oppgåver etter avtale med sivile eller militære mynder på sentralt, regionalt og kommunalt nivå.
Organisasjon[endre | endre wikiteksten]
Den høgste leiaren for kosakkane si verksemd er presidenten av Russland. Forvaltningsmynde er «Kosakkådet under presidenten i Den russiske føderasjonen».
Kosakk-samfunna er organiserte med desse elementa:
- Lokale samfunn i byar, stanitser og landsbyar.
- Kosakk-samfunn på kommunalt (rajon) nivå.
- Kosakk-samfunn på kretsnivå.
- 11 registrerte kosakk-samfunn på arménivå.
Kosakk-samfunn er oppbyggde etter prinsippet om demokratisk sentralisme.
Uniformer og utrustning[endre | endre wikiteksten]
Registrerte kosakker har visse særrettar, som å verte tildelte tenestegrader og å bera gradsmerke, utmerkjestegn, kosakkuniformer og nagajkar (pisk), sablar og dolkar og i visse sammanhengar skytevåpen.
Terek-kosakkar |
|||
Donkosakker |
|||
Kosakkane sine tenestegrader[endre | endre wikiteksten]
Kasák | Prikásni | Mládsji urjádnik | Urjádnik | Stársji urjádnik | Mládsji váchmistr | Váchmistr | Stársji váchmistr | ||||
Podchorúnsji | Chorúnsji | Sótnik | Podjésaul | Jesaúl | Vojskovoj starsjiná | Kazájitj polkóvnik | Kazátjij general | ||||
Referensar[endre | endre wikiteksten]
- Denne artikkelen bygger på «Kosacksamfälligheter i Ryska federationen» frå Wikipedia på svensk, den 26. januar 2018.