Kristen teologi

Med kristen teologi meiner ein både studiet av teologi ut frå ein kristen synsvinkel og studiet av kristendommen med ein teologisk metode. Den kristne teologien var særskild viktig i det før-moderne Europa, og påverka samfunnet i stor grad, samstundes som han i seg sjølv spegla dette samfunnet.

Inndeling

Teologien kan delast inn på ulike måtar. Det er mellom anna vanleg å organisera han etter dei tre oldkyrkjelege truvedkjenningane i ein treledda struktur: Gud Fader, Jesus Kristus, den heilage anden.

1. artikkel Trinitet/treeininga Guds vesen Skapinga/Creatio ex nihilo Hamartiologi/synd Creatio continua/providentia

2. artikkel Jesus Kristus/kristologi Guds rike Soning Forsoning

3. artikkel Den heilage anden Ekklesiologi Økumenikk Sakrament/dåp/nattverd Liturgi Eskatologi

Disiplinar

Kristen teologi blir gjerne delt inn i ei rekke disiplinar. Det varierer mellom ulike kyrkjesamfunn kva område dei legg mest vekt på.

• Angelologi – studiet av skapte, andelege vesen, som englar, demonar og Djevelen.
• Antropologi – studiet av menneskja, i samband med teologien sett i høve til det guddommelege
• Bibliologi – studiet av sjølve Bibelen og den inspirerte bakgrunnen for han
• Ekklesiologi – studiet av kyrkja, særleg sambandet hennar til Gud, og strukturen hennar
• Eskatologi – studiet av dei siste ting, universelt (endetida) og individuelt (døden og det neste livet)
• Hagiologi – studiet av helgenar
• Hamartiologi – studiet av synd
• Kristologi – studiet av Jesus Kristus og hans natur
• Mariologi – studiet av Jomfru Maria
• Pneumatologi – studiet av den heilage anden
• Soteriologi – studiet av frelse
• Theodiké – studiet av vondskapens natur
• Teologi – studiet av Gud

Metodar

Dei vanlegaste metodane som blir brukt er:

• Kristen apologetikk – studiet av kristen teologi i høve til andre verdssyn med det for auget å legga fram forsvar for kristen tru og å utfordra andre si tru
• Bibelsk hermeneutikk – studie av teologi gjennom Bibelen ut frå eit førehandsbestemt sett med reglar eller prinsipp for tolking
• Bibelsk teologi – studie av teologi slik han blir presentert og utvikla gjennom Bibelen, med særskilt fokus på progressiv openberring
• Dogmatisk teologi – studie av dogmatisk lære slik ho har utvikla seg i ulike kyrkjesamfunn
• Konstruktiv teologi – ei postmodernistisk tilnærming til systematisk teologi, der ein bruker for eksempel feministisk teori, dekonstruksjonisme og hermeneutikk på teologiske emne
• Historisk teologi – studie av teologi slik han har utvikla seg gjennom historia
• Narrativ teologi – studie av ein forteljande presentasjon av trua framfor den dogmatiske presentasjonen
• Pragmatisk teologi (eller praktisk teologi) – studiet av teologi i høve til det å verka som prest/forkynnar
• Systematisk teologi – emnebaserte studie

Teologiske retningar

• Fremgangsteologi
• Frigjeringsteologi
• Patristikk
• Skriftprinsippet/Sola scriptura
• Openberring

Kjelder

• Bokmålswikipedia: Teologi og kristen teologi
• Engelsk Wikipedia: Christian theology