Glechoma hederacea
| Glechoma hederacea | ||
|
|
||
| Systematikk | ||
| Domene: | Eukaryota | |
| Rike: | Plantae | |
| Klasse: | Eudicotyledonae | |
| Orden: | Lamiales | |
| Familie: | Lamiaceae | |
| Slekt: | Glechoma | |
| Art: | G. hederacea | |
| Vitskapleg namn | ||
| Glechoma hederacea | ||
Krossknapp eller Korsknapp (Glechoma hederacea) er ei eviggrøn blomsterplante i slekta Glechoma i leppeblomstfamilien. Plata har ein krypande til oppstigande vekst. Stengelen er firkanta og håra. Blada har lange stilkar og er nyreforma eller breidt eggforma med rundtakka rand. Oversida er mattgrøn, medan undersida er lysegrøn. Begge sider har stive hår. Korsknappen blomstrar i april-juni. Dei blåfiolette blomstane sit parvis i bladhjørna og er uregemessige med to hovudlepper. Frukten er kapslar med nokre frø i kvar kapsel.
Planta er 5-20 cm høg, men stengelen kan krype opptil 60 cm. Den formerer seg og spreier seg raskt og blir sett på av mange som ein invasiv art i tillegg til å vere eit ugras.
Planta er svakt giftig og var tidlegare mykje nytta som feber- og sårmiddel. Europeiske utvandrarar tok henne derfor med til USA.
Krossknapp foretrekker fuktig jordsmonn i mellom anna buskas, kulturmark eller lauvskog. Den veks nord til Finnmark, men er sjeldan i innlandet og i Nord-Noreg. Den veks elles i store delar av Europa og Asia, og er innført til Nord-Amerika.
Planta vert nytta som staude i hagar, men er innvaderande og blir av mange sett på som eit ugras.
Variantar[endre]
Den tidlege, meir djup blå varianten blir ofte kalla vårkrossknapp, og er mindre enn krossknapp.
- Glechoma hederacea subsp. glabriuscula (Neilr.) Gams
- Glechoma hederacea var. micrantha (Rchb.) Nyman
- Glechoma hederacea var. micrantha P.Fourn.
