Kurator

Frå Wikipedia – det frie oppslagsverket
Gå til: navigering, søk

Kurator (frå latin curare, å take hand om) er ei nemning som har vorte, og framleis vert nytta, om ein person som har fått i oppdrag av ein annan person å take hand om eit menneske som treng hjelp i kvardagen (vanlegvis mot vederlag for innsatsen). Nemninga sosialkurator er i og for seg eit døme på ein slik kurator. Men frå om lag 1990-åra og i våre dagar vert nemninga framfor alt nytta i kunstnarleg samanhang, og tyder då ein person som har som oppgåve å ha oppsyn med, administrere og leggje til rette for utstillingar av kunstverk og gjenstandar på eit museum, eit kunstgalleri eller ein annan institusjon, eller som arbeidar med pedagogiske oppgåver i slike samanhangar.

Kuratorar på det kunstnarlege området vel ut tema for utstillingane, finn fram til den eller dei kunstnarane som er aktuelle, og dei verka av dei som skal utstillast, står for utforminga av utstillinga og ofte òg for utforminga og for skriving av teksten i utstillingskatalogane og andre publikasjonar knytt til utstillingane. Dei har vanlegvis høgare kunstnarleg eller kunsthistorisk utdanning, og kuratorgjerninga har med tida utvikla seg til eit særskilt yrke.

Bakgrunnstoff og kjelde[endre | endre wikiteksten]

Om utdanning til kurator som har med utstillingsverksemd å gjere