Kusymre
| Kusymre | ||
|
|
||
| Systematikk | ||
| Rike: | plantar | |
| Rekkje: | blomsterplantar | |
| Orden: | Ericales | |
| Familie: | nøkleblomfamilien | |
| Slekt: | Primula | |
| Vitskapleg namn | ||
| Primula vulgaris | ||
Kusymre (Primula vulgaris) er ein plante i nøkleblomfamilien. Slektsnamnet Primula tyder «den fyrste om våren», og viser til at dette er ein vårblomstrande plante. Han har einskildståande gulkvite blomar.
Planten er vanleg i kyststrøk frå Aust-Agder til Sør-Trøndelag. Han veks i fuktig skyggefull skog og gressbakkar, og trivst og i maritimt miljø nær sjøen.
[endre] Medisin
Kusymre er ikkje giftig, både blomar og blad kan etast, og skal ha ein blodreinsande effekt. Planten har vore nytta som medisinsk urteplante som slimløysande, krampeløysande, svakt smertestillande og roande middel.
[endre] Kultur
Kusymre er fylkesblome for Hordaland. Lokalt på Vestlandet blir han kalla «kublom». Planten har og andre lokale namn som «kusømra», «gulveis» og «liblom». Namnet kusymre kan kome av at han blomar på den tida då kyrne kunne sleppast på beite.
