Kvamsøy i Hardanger

Koordinatar: 60°21′57″N 6°16′35″E / 60.36583°N 6.27639°E / 60.36583; 6.27639
Frå Wikipedia – det frie oppslagsverket
Kvamsøy
Kvamsøy og holmen Øykalven. Utsyn innover Hardangerfjorden og fjella på Sørsida, sett frå Krokavatnet i Norheimsund.
Land  Noreg
Fylke Vestland
Kommune Kvam
Kart
Kvamsøy i Hardanger
60°21′51″N 6°16′41″E / 60.3643°N 6.27799°E / 60.3643; 6.27799

Kvamsøy er ei lita øy i Hardangerfjorden i Kvam herad. Øya ligg i Ytre Samlafjorden, søraust for Øystese. På nordvestsida av øya ligg holmen Øykalven (Tjuvaholmen), det smale sundet mellom dei heiter Øykalvsundet.

Øya har eit areal på om lag 0,4 km² og er om lag ein kilometer lang.[1] Det høgaste punktet på øya er 73 meter over havet. Øya har ein vêrstasjon frå Meteorologisk Institutt som sender inn vêrdata fire gonger i døgnet til heile verda, ein såkalla synoptisk stasjon. Vêrstasjonen er plassert på Austerhaugen. Det ligg også ei lita fyrlykt, som framleis er i drift, på denne haugen.

Det er fleire gravhaugar på Kvamsøy, og det er gjort funn frå Bronsealderen, mellom anna ein bronsecelt.

Folketalsutvikling:

1801[2] 1900[3]
12 36

Kjelder[endre | endre wikiteksten]

60°21′57″N 6°16′35″E / 60.36583°N 6.27639°E / 60.36583; 6.27639