Kverneland Group

Frå Wikipedia – det frie oppslagsverket
Kverneland Group


Skipa1879; 145 år sidan (1879)Kvernaland
EigarKubota
HovudkontorKlepp
LandNoreg
Produkt
  • Kverneland
  • Vicon
  • iM FARMING[1]
Grunnleggjar(ar)Ole Gabriel Kverneland
Tilsette
  • 2 482 (2018)
Nettstadhttps://ien.kvernelandgroup.com
Kverneland vendeplog.

Kverneland Group er ein norsk fabrikant av landbruksutstyr, særleg av plogar. Selskapet er eit av verdas største på sitt område, og vart etablert av Ole Gabriel Kverneland (1854-1941) i 1879.[2]

Hovudkontoret ligg i Klepp kommune, i tettstaden Kvernaland, og Kverneland har om lag 2 300 tilsette på verdsbasis. Konsernet har fabrikkar i Noreg, Danmark, Tyskland, Nederland, Frankrike, Italia, Russland og Kina.[3]

Kverneland var ei familiebedrit til ho vart notert på Oslo Børs i 1983. I 1989 vart Kverneland ASA stifta som akssjelskap. Frå midten av 1990-talet vart selskapet utvida gjennom kjøp av andre landbruksutstyrsfabrikantar i Europa. Då hadde det allereie kjøpt opp Globus Maskinfabrikk i Brumunddal i 1955, Plovfabrikken Fraugde i Odense i 1973, Kyllingstad Plogfabrikk på Kleppe i 1984 og Underhaugs Fabrikk på Nærbø i 1986. I 2012 fekk Kverneland Group det japanske føretaket Kubota som eigar.[4] Selskapet vart teke av Oslo Børs i mai 2012.[5]

Galleri[endre | endre wikiteksten]

Kjelder[endre | endre wikiteksten]

  1. «About iM FARMING». Henta 12. august 2019. 
  2. «Kverneland ASA». Store norske leksikon (på norsk). 11. juli 2019. 
  3. Group, Kverneland, «Om Kverneland Group», Kverneland Group Norge, henta 6. september 2019 
  4. Group, Kverneland, «From Local Forge To An International Group», Kverneland Group Corporate, henta 6. september 2019 
  5. Odd Pihlstrøm: Kubota vil doble plogproduksjon på Jæren Arkivert 2016-03-04 ved Wayback Machine., Stavanger Aftenblad, 29. juni 2012

Bakgrunnsstoff[endre | endre wikiteksten]