Kyrksæterøra

Kyrksæterøra
tettstad
Land	Noreg
Fylke	Trøndelag
Kommune	Heim
Areal	2,31 km²
Folketal	2 523  (2023)
Folketettleik	1 092 / km²
Postnummer	7200 KYRKSÆTERØRA
Preposisjon	på Kyrksæterøra
Kyrksæterøra 63.290555555556°N 9.0888888888889°E / 63.290555555556; 9.0888888888889
Wikimedia Commons: Kyrksæterøra

Kyrksæterøra er ein tettstad og eit av to administrasjonssenteret i Heim kommune i Trøndelag fylke, i lag med Liabø. Staden ligg inst i Hemnfjorden, mellom fjorden og Rovatnet, og har 2 523 innbyggjarar per 1. januar 2023.

Han var tidlegare administrasjonsstad i Hemne kommune

Tettstaden er eit handelssentrum og her er det hotel, daglegvarebutikkar, klede- og sportsbutikkar, frisør, verkstad, camping- og hytteutleige, småbåthamn, bank og serveringsstader. Av industri har Kyrksæterøra skipsverft, byggfirma, trevarefabrikk og avlsfabrikk for laks og regnbogeaure. Fylkesveg 680 går gjennom staden.

Kyrksæterøra har 10-årig grunnskule og vidaregåande skule med allmenn- og yrkesfag. Av offentlege tenester er det lækjar og tannlækjar, og helse- og eldresenter.

Hemne kyrkje ligg på toppen av endemorenen (Skeiet) mellom Rovatnet og Hemnfjorden.

Namnet «Kyrksæterøra» kjem opphavleg frå gardsnamnet Kirkjusoðin, 'på kyrkjesida (av elva Søa)'; siste ledd øyr, 'sandbanke'.

Kjelder

• «Kyrksæterøra» i Store norske leksikon, snl.no.
• SSB: «Tettsteder og sentrumssoner. 1. januar 2005. Sør-Trøndelag»

---

• Denne artikkelen bygger på «Kyrksæterøra» frå Wikipedia på bokmål, den 23. september 2008.

Bakgrunnsstoff

• Bilete frå Kyrksæterøra Arkivert 2011-08-28 ved Wayback Machine.
• Vêrvarsel for Kyrksæterøra Arkivert 2012-03-26 ved Wayback Machine., yr.no