Lånke
| Geografi | ||
|---|---|---|
| Kommune | Stjørdal | |
| Fylke | Nord-Trøndelag | |
| Folkemengd[1] | 1 593 (2012) | |
| Folketettleik | 1 027,7 /km² | |
| Areal[1] | 1,55 km² | |
| Annan informasjon
|
||
| Postnummer | 7517 HELL | |
| Innbyggjarnamn | lånkbygg | |
Lånke er ei bygd i Stjørdal kommune i Nord-Trøndelag fylke. Lånke var tidlegare sjølvstendig kommune, før kommunane Hegra, Skatval, Lånke og Stjørdal vart lagt saman til den noverande Stjørdal kommune den 1. januar 1962. Lånke har i overkant av 2 500 innbyggjarar, mens om lag 1 500 bur i tettstaden og bygdesenteret Hell. Lånke er mellom anna kjend for Hell Blues Festival og Hell stasjon, der det er eit berømt skilt med påskrifta «Hell Gods Expedition».
Geografi [endre]
Naturen i Lånke består for det meste av åkerlandskap og blandingsskog og der er mange gardsbruk i Lånke, med bønder som produserer korn på åkrane og ved av skogen.
I Lånke finst det fem byggefelt; Bjørgmyran, Reppe, Hell, Litjbyen og Gevingfeltet, der sistnemnte er det største. Lånke består i all hovudsak av stader med namna Sorte, Reppe, Bjørgmyan, Hell, Gevingåsen, Gevingfeltet, Dybvad, Frigården og Hell.
Det finst også fleire vegar i bygda, men de er stort sett grusvegar og smale asfaltvegar (spesielt i byggefelt). Men det finst også nokre større vegar, som for eksempel Europaveg 6 sør for Sandfærhusbrua og Fylkesveg 705 som går frå Trondheim lufthamn, Værnes i nord til Røros i sør. Denne vegen strekker seg gjennom heile bygda, og blir ofte omtalt som «Selbuvegen», sidan innbyggjarane i Stjørdal kommune brukar denne vegen når dei skal frå Stjørdal til Selbu, og eventuelt vidare sørover mot Røros og Austlandet via Østerdalen.
I bygda kan ein òg finne fleire turstiar som egner seg for alle som følar for ein tur i ein av bygdas mange skogar. Ein finn òg ein skule, ei kyrkje, ein aldersheim, ein butikk, ein bensinstasjon, eit postkontor, ein skytebane og ein militærbase i bygda.
Historie [endre]
Dei første menneska busette seg i bygda for over 6000 år sidan på Gevingåsen. Det varme klimaet gjorde forholda for jakt og fiske gunstige, noko som synest på helleristningane som dei rissa inn i berget, blant anna på Tønsåsen.
Kjelder [endre]
- ↑ 1,0 1,1 Statistisk sentralbyrå Folkemengd og areal, 1. januar 2012.
