La Rioja

Frå Wikipedia – det frie oppslagsverket
Gå til: navigering, søk
La Rioja
Flagget til La Rioja Våpenet til La Rioja
Flagget til La Rioja Våpenet til La Rioja


Plassering
Plassering av  La Rioja
Styresmakter
Provinsar 1
Hovudstad Logroño
President Pedro Sanz Alonso (PP)
Geografi
Flatevidd
5 045 km²
Innbyggjarar
 - Totalt (2007)
   - folketettleik

308 968
  61,2 /km²
Koordinatar 42°15′″N 2°30′″WKoordinatar: 42°15′″N 2°30′″W
Annan informasjon
Postnummer M
Nettstad: www.larioja.org

La Rioja er ein av sytten autonome regionar og ein provins i Spania. Regionshovudstaden er Logroño. Andre byar i provinsen er Calahorra, Arnedo, Alfaro, Haro, Santo Domingo de la Calzada og Nájera.

Historie[endre | endre wikiteksten]

I romartida var området som i dag utgjer La Rioja busett av folka beronar (sentralt), autrigonar (i nord og i vest) og vaskonar (i sør og aust). Området var då ein del av provinsen Hispania Tarraconensis.

I mellomalderen var La Rioja eit mykje omstridd område. Vestgotarane oppretta hertugdømet Cantabria som truleg inkluderte det meste av La Rioja, som eit grensemark mot vaskonane. Etter den muslimske invasjonen i 711 vart La Rioja ein del av det muslimske området Al Andalus.

Tidleg på 900-talet erobra Sancho I av Pamplona det meste av området, bortsett frå den lågare regionen rundt Arnedo, som kom under kontrollen til hans allierte, Banu Qasi av Tudela. La Rioja danna ei kort stund det sjølvstendige kongedømet Viguera frå 970 til om lag 1005, då det vart ein del av Kongedømet Pamplona. Nájera, i Rioja, var ofte hovudstad i kongedømet.

Etter sjølvstendet til Castilla i 1035, kjempa det nye kongedømet hardt mot Pamplona over områda Bureba, La Rioja og andre. I 1076, etter mordet på Sancho VI, vart Navarra delt mellom Castilla og Aragon. Castilla fekk La Rioja og mange andre land som hadde høyrt til Navarra.

Sidan 1134 kjempa García Ramírez gjenopprettaren og sonen hans Sancho VI den kloke bittert mot Castilla for å få tilbake dei tidlegare pamplonske områda. Først i 1179 vart det signert ein fredsavtale der La Rioja endeleg vart avstått til Castilla.

Området vart delt mellom provinsane Burgos og Soria fram til den administrative endringa av Riego i 1822 som skapte provinsen Logroño.

I 1980 vart namnet på provinsen endra til La Rioja og i 1982 vart han ein autonom region med same namn.

Geografi[endre | endre wikiteksten]

Kommunegrenser i La Rioja

La Rioja grensar til Baskarland (provinsen Álava), Navarra, Aragón (provinsen Zaragoza) og Castilla y León (provinsane Soria og Burgos). Elva Ebro renn gjennom denne regionen, og det same gjer elva Oja, som har gjeve namn til regionen.

Fjell og fjellkjeder[endre | endre wikiteksten]

Comarcaer[endre | endre wikiteksten]

Klima[endre | endre wikiteksten]

Regionen har hovudsakleg middelhavsklima. Rioja Alta får meir nedbør enn Rioja Baja. Gjennom heile regionen varierer den årsmiddeltemperaturen frå 11,8 °C til 31,8 °C og nedbøren varierer frå 300 til 600 mm på eit år. Vinden Cierzo er særs vanleg rundt La Rioja om vinteren.

Bakgrunnsstoff[endre | endre wikiteksten]

Kjelder[endre | endre wikiteksten]