Lake Tekapo

Frå Wikipedia – det frie oppslagsverket
Gå til: navigering, søk
Lake Tekapo
Lake Tekapo - Lake Tekapo
Lake Tekapo
Lake Tekapo - Lake Tekapo
Lake Tekapo
Stad Mackenzie District i regionen CanterburySørøya
Koordinatar 43°53′S 170°31′EKoordinatar: 43°53′S 170°31′E
Type innsjø Fjordsjø
Tilsig Godley River (i nord), Macauley River (i nord), Mistake River (i vest), Cass River (i vest) [1]
Utsig Tekapo River
Tilsigsområde 1463 km²[1]
Tilknytte land New Zealand New Zealand
Største lengde 27 km [1]
Største breidde 6 km [1]
Overflateareal 87 km² (om sommaren), 82 km² (om vinteren)[1]
Middeldjupne 69 m[1]
Største djupne 120 m[1]
Vassvolum 6 km³[1]
Høgd over havet 700
Busetnadar Lake Tekapo

Lake Tekapo er den nest største av tre tilnærma parallelle innsjøar som er retta i nord-/sørleg retning langs den nordlege kanten av Mackenzie BasinSørøyaNew Zealand (dei andre er Lake Pukaki og Lake Ohau). Han dekkjer eit område på 83 km² (variasjon, sjå infoboksen) og ligg 700 meter over havet.

Innsjøen får tilsig frå nord gjennom fleire elver, den største er den forgreina elva Godley River, som har utspringet sitt nord i Søralpane. Innsjøen er eit populært turistmål, og fleire hotell og andre overnattingsstadar ligg i den vesle busetnaden Lake Tekapo i den sørlege enden av sjøen. Lake Tekapo Regional Park, administrert av Environment Canterbury, ligg også ved sørbreidda til sjøen.

Eit astronomisk observatorium ligg ved Mount John, som er nord for byen og sør for den vesle innsjøen Lake Alexandrina.

Vasskraft[endre | endre wikiteksten]

Det opphavlege utløpet til innsjøen låg i den sørlege enden ut i Tekapo River. I 1938 starta bygginga av ein kraftstasjon, først planlagt å vera ferdigstilt i 1943, men krigen stoppa anlegget i 1942. Samstundes vart det bygt kontrollportar for å regulera utsleppa nedstraums til Waitaki Dam. Arbeidet vart teke opp att i 1944, og vasskraftstasjonen, no kjend som Tekapo A, starta produksjonen i 1951.

Tekapo-Pukaki-kanalen.

Vatn frå innsjøen vert leia gjennom ein 1,4 km lang tunnel under byen til kraftstasjonen, derfrå vart vatnet tidlegare leia attende til elva. Etter den vidare vasskraftutbygginga (Upper Waitaki hydroelectric scheme)1970-talet, vert vatnet leia inn i ein 26 km lang kanal som fører til Tekapo B på breidda til Lake Pukaki.

Etter ein turbinskade i 1986 vart ein ny Kaplanturbin installert, med ein meir effektiv konstruksjon og ei høgare yting (42 000 HK) enn den originale. I dag produserer stasjonen i gjennomsnitt 160 GWh årleg, med ein generator som yter 25,2 MW. Netto fallhøgde til stasjonen er 30,5 meter.

Både Tekapo A- og Tekapo B-stasjonane skal rustast opp i samband med oppgraderinga av Benmore og Waitaki.[2]

Sidan 1. juni 2011 er Tekapo A- og B-stasjonane eigde av det USA-baserte Genesis Energy[3].

Kyrkja til den gode hyrdingen[endre | endre wikiteksten]

Kyrkja til den gode hyrdingen (Church of the Good Shepherd), ligg på breidda til Lake Tekapo. Ho vart sett opp i 1935, og var den første kyrkja som vart bygd i Mackenziebekkenet. Kyrkja ved Burkes Pass, St Patrick's, reist i 1872, var den første kyrkja som vart bygd av pionerane i ein felles innsats frå både anglikanarar, presbyterianarar og katolikkar. Også som eit samarbeid mellom presbyterianarar og anglikanarar vart kyrkja St Columba i Fairlie reist i 1879. Kyrkja ved Lake Tekapo vart teikna av Christchurcharkitekten R.S.D. Harman, basert på skisser av ein lokal kunstnar, Esther Hope. Kyrkja er utan tvil ei av dei mest fotograferte på New Zealand og har eit altarvindauge som råmar inn ei praktfull utsikt over sjøen og fjella.

Bronseskulptur[endre | endre wikiteksten]

I nærleiken av Kyrkja til den gode hyrdingen står et av dei mest kjende offentlege monumenta på New Zealand, ein bronsestatue av ein New Zealand Collie fårehund.

Galleri[endre | endre wikiteksten]

Kyrkja til den gode hyrdingen i vintersnø...
...og i ein sommarleg solnedgang i februar.
Panorama av Lake Tekapo frå Mount John som viser Lake Alexandrina til venstre og busetnaden Lake Tekapo til høgre.

Referansar[endre | endre wikiteksten]

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Lake Tekapo