Lars Backer
| Lars Backer | |
 | |
| Statsborgarskap | Noreg |
| Fødd | 5. januar 1892 Christiania |
| Død | |
| Yrke | arkitekt |
| Far | Herman Backer |
| Lars Backer på Commons | |
Lars Thalian Backer (5. januar 1892–7. juni 1930) fødd og død i Oslo var ein norsk arkitekt og son av Herman Backer.[1] Han er kjend for sine funksjonalistiske arbeid, og var ein pioner for modernismen i norsk arkitektur på 1920-talet.[1]
Backer studerte ved Statens Håndverks- og Kunstindustriskole i Christiania under Herman Major Schirmer.[1] Seinare utdanna han seg vidare han ved Kungliga Tekniske Högskolan i Stockholm. Backer opna eigen praksis i Oslo i 1921.[1]
Av dei tidlegaste arbeida hans er ein villa i Drammensveien 88 C i Oslo reist i 1926 i italiensk-inspirert nyklassisisme. Backer mottok Sundts premie for 1926 for dette arbeidet.[2] Bygningen vert no nytta som ambassade.
I 1926 samarbeidde Backer med Kristen Tobias Rivertz som hadde oppgåva med å teikne Frogner kino i Oslo. Interiøret blei teikna av Platou.[3] Året etter stod han for ei gjennomgripande ombygging og utviding av Olympen restaurant som var teikna av faren. Same år teikna han også Skansen restaurant på Kontraskjæret i skråninga ned mot Pipervika i Oslo. Bygningen blei rekna som Noregs første funksjonalistiske bygg.[1] Han blei riven i 1970.
Ekebergrestauranten blei reist for Oslo kommune 1927-1929 og er eit av de finaste eksempla på klassisk funksjonalisme i Noreg. Han er bygd i betong med flatt tak, store vindusflater med ruter, terrasse og eit bua inngangsparti i eit lågt hjørnetårn. Etter fleire år med forfall vart bygningen pussa opp og opna att i 2005.[4]
Et av dei siste store prosjekta til Backer var Horngården på Egertorget i Oslo frå 1929-1930. Bygningen vert kalla Noregs første skyskrapar.[5] Etter planane skulle bygningen ha 13 etasjar, men det blei kutta ned til 8 etter fleire protestar.[5] Backer fekk ikkje sett det ferdige resultatet då han plutseleg døydde 38 år gamal. Bygningen vart ferdigstilt av medarbeidaren F.S. Platou. Bygningen fekk Sundts premie for 1930.[2]
I 1929-1930 stod Backer også for ei utviding og ombygging av Stavanger Museum. Oppgåva hadde han fått etter ei arkitektkonkurranse i 1921.[3]
Kjelder[endre | endre wikiteksten]
- ↑ 1,0 1,1 1,2 1,3 1,4 Lars Backer i Norsk biografisk leksikon
- ↑ 2,0 2,1 Sundts premie frå Arkitektur.no
- ↑ 3,0 3,1 Geir Tandberg Steigan: Lars Thalian Backer frå Artemisia
- ↑ Ekebergrestauranten opp av asken, arkivert frå originalen 5. mars 2016, henta 8. februar 2012
- ↑ 5,0 5,1 Infodesign om Horngården, arkivert frå originalen 10. oktober 2015, henta 8. februar 2012