Lasíthi

Frå Wikipedia – det frie oppslagsverket
Periferieininga Lasíthi
Περιφερειακή ενότητα Λασιθίου
Plasseringa til {{{name}}} i Hellas
Periferi Kreta
Hovudstad Ájos Nikólaos
Folketal 75 381 (2011[1]) Rangering 41.
Areal 1 823 km² Rangering 38.
Folketettleik 41/km²
Kommunar 4
Postnummer 72x xx
Retningsnummer 284x0
Bilnummer AN
Heimeside www.lassithi.gr

Periferieininga Lasíthi (gresk Περιφερειακή ενότητα Λασιθίου, Periferiakí enótita Lasithíou) er den austlegaste periferieininga på øya Kreta i Hellas, aust for Iráklio. Lasíthi er ei av fire periferieiningar i periferien Kreta.[2]

Hovudstaden er Ájos Nikólaos, og andre større byar er Ierápetra, Sitía og Neápoli. Av fjell finn ein Díkti i vest og Sitíafjella i aust. Egearhavet ligg i nord medan Libyahavet ligg i sør.

Aust for landsbyen Eloúnda ligg øya Spinalonga, som tidlegare var ein venetiansk festning og ein koloni for spedalske. Ved foten av Díkti ligg Lasíthiplatået, som er kjend for sine vindmøller.

På grunn av dei mange strendene og det milde klimaet kjem mange turistar til Lasithi. Masseturisme finne ein på stader som Vái, Ájos Nikólaos og øya Khrysí.

Prefekturet har mange funn frå antikken og førhistorisk tid. Vasilikí, Foúrnou Korfí, Pýrgos, Zákros og Gourniá er ruinar frå den minoiske sivilisasjonen, Lato og Itanos var doriske byar.

Administrativ inndeling[endre | endre wikiteksten]

Tidlegare var Lasíthi eit prefektur. Frå 2011 er periferieininga delt inn i fire kommunar.[2]

Periferieining Kommune Tidlegare
kommune
Postnummer Retningsnr
Lasíthi Ájos Nikólaos Ájos Nikólaos 721 00 28410-2
Neápoli 724 00 28410-3
Vrakhási
Sitía Sitía 723 00 28430-2
Ítanos 723 00 28430-6
Lévki 720 56 28430-9
Oropédio Lasithíou Oropédio Lasithíou 720 53 28440-2
Ierápetra Ierápetra 722 00 28420-2
Makrý Jalós 720 55 28430-2

Byar og tettstader[endre | endre wikiteksten]

Dei største byane og tettstadene i periferieininga er:

Tettstad Kommune Folketal 2011[1]
Ierápetra Ierápetra 12 355
Ájos Nikólaos Ájos Nikólaos 11 421
Sitía Sitía 9 348
Neápoli Ájos Nikólaos 2 683
Skhísma Ájos Nikólaos 1 730
Gra Lyjá Ierápetra 1 528
Kritsá Ájos Nikólaos 1 296
Kendrí Ierápetra 1 021
Sísi Ájos Nikólaos 1 003
Néa Anatolí Ierápetra 1 002
Palékastro Sitía 953

Referansar[endre | endre wikiteksten]

Bakgrunnsstoff[endre | endre wikiteksten]

Kjelde[endre | endre wikiteksten]


Koordinatar: 35°05′N 25°50′E