Leeds United

Leeds United
[[Fil:|235px| ]]
Fullt namn	Leeds United
Kallenamn	The Whites
Grunnlagd	Ukjend
Heimebane	Elland Road, i Leeds (Kapasitet: 40 242)
Styreleiar	Ken Bates
Hovudtrenar	Simon Grayson
Liga	Football League Championship
2010/11	7. plass
Nettstad	leedsunited.com
Heimedrakt Bortedrakt

Leeds United Association Football Club er ein engelsk profesjonell fotballklubb. I 2010/2011-sesongen spelar dei i Football League Championship, det andre nivået i engelsk fotball, etter å ha rykt opp i 2010. Klubben vart stifta i 1919, og vart vald inn i The Football League i 1920. «The Whites», som er kallenamnet til Leeds United, spelar heimekampane sine på Elland Road i Leeds. Byen Leeds ligg i den engelske regionen Yorkshire og Humber, kring sju mil aust for Manchester og fem mil nord for Sheffield.

Historie

Starten

Leeds United vart grunnlagt som ein etterfylgjar av den tidlegare klubben i Leeds, Leeds City. City vart ekskludert frå ligaen på grunn av ulovlege utbetalingar til spelarar i løpet av første verdskrig.

Tida under Don Revie

Laget levde stort sett eit heistilvære mellom dei to øvste divisjonane fram til dei fekk den tidlegare engelske landslagspelaren Don Revie som manager, i mars 1961. På grunn av økonomiske problem i klubben hadde Revie ein tung 1961/62 sesong, og ein siger i siste kamp redda laget frå nedrykk til 3 divisjon. To år seinare var alt mykje lysare for klubben og Leeds var igjen klar for Englands øverste divisjon. Dei neste 10 åra kan skildrast som Leed si stordomstid med mellom anna 2 ligameisterskap. I Revie sin siste sesong som manager spela laget dei første 28 seriekampane utan å tapa, og laget vart ofte kalla «Super Leeds» i denne tida.

Etter Revie

Den neste manageren i Leeds vart Brian Clough. Han hadde hatt stor suksess med Derby County, men vart rekna som omstridd og fekk sparken i Leeds allereie etter 44 dagar. Klubben heldt seg i toppserien utover på 1970-talet, men hadde ikkje like gode plasseringar som dei hadde hatt under Revie. I sesongen 1981/82 rykte laget ned frå 1. divisjon og på 1980-talet vart dei verande i denne divisjonen. Howard Wilkinson, som vart tilsett som manager i oktober 1988, greidde å få laget attende til toppdivisjonen. Her gjekk det betre enn dei aller fleste hadde trudd og i 1991/92 hadde laget igjen vorte engelske ligameistrar. Klubben vart i den øvste divisjonen i 14 år før dei etter 2003/04 sesongen igjen rykte ned til det som då hadde vorte til Football League Championship.

Meisterskap

• Engelske ligamestarar: 1968/69, 1973/74 og 1991/92.
• Vinnar av FA-Cupen: 1972.
• Finalist i FA-Cupen: 1965, 1970 og 1973.
• Vinnar av Ligacupen: 1968.
• Finalist i Ligacupen: 1996.
• Finalist i serievinnarcupen (før Meisterligaen): 1975
• Vinnar av FA Charity Shield: 1969 og 1992.
• Vinnar av FA Youth-cup: 1993 og 1997

Spelarstall 2010/11-sesongen

(Per 1. september 2010)
Note: Flagga viser til landslaget som spelaren kan spela for, som definert av FIFA sine reglar. Spelarane kan ha fleire nasjonalitetar i annan forstand.

Nr. Posisjon Spelar 1 MV Kasper Schmeichel 2 F Paul Connolly 3 F Patrick Kisnorbo 4 F Alex Bruce 5 F Neill Collins 6 F Richard Naylor (kaptein) 7 M Max Gradel 8 M Neil Kilkenny 9 A Billy Paynter 10 A Luciano Becchio 11 M Lloyd Sam 12 MV Shane Higgs 13 A Mike Grella 14 M Jonathan Howson 15 M Adam Clayton

Nr. Posisjon Spelar 16 M Bradley Johnson 18 M Sanchez Watt (på lån frå Arsenal) 19 F Ben Parker 20 F Jason Crowe 21 F Fede Bessone 22 M Andy Hughes 23 M Robert Snodgrass 26 F Leigh Bromby 27 A Davide Somma 28 M Andy Robinson 32 F Aidan White 37 F Will Hatfield 44 A Ross McCormack –– M Ramón Núñez

Kjende spelarar

Billy Bremner John Charles Jack Charlton Trevor Cherry Allan Clarke Bobby Collins Terry Cooper Frank Gray Johnny Giles Eddie Gray David Harvey Norman Hunter Mick Jones Joe Jordan Peter Lorimer	Gordon McQueen David Batty Lee Bowyer Tomas Brolin Eric Cantona Lee Chapman Tony Dorigo Rio Ferdinand Brian Flynn Robbie Fowler Brian Greenhoff Jimmy Floyd Hasselbaink Vinnie Jones Robbie Keane	Gary Kelly Harry Kewell Nigel Martyn Gary McAllister Lucas Radebe Ian Rush Lee Sharpe Alan Smith Gordon Strachan Mark Viduka Jonathan Woodgate Tony Yeboah Simon Walton Paul Robinson

Leeds United sine managerar

Manager	Periode	Manager	Periode
Arthur Fairclough	(1920-1927)	Jimmy Adamson	(1978-1980)
Dick Ray	(1927-1935)	Allan Clarke	(1980-1982)
Billy Hampson	(1935-1947)	Eddie Gray	(1982-1985)
Willis Edwards	(1947-1948)	Billy Bremner	(1985-1988)
Frank Buckley	(1948-1953)	Howard Wilkinson	(1988-1996)
Horatio Carter	(1953-1958)	George Graham	(1996-1998)
Bill Lambton	(1958-1959)	David O'Leary	(1998-2002)
Jack Taylor	(1959-1961)	Terry Venables	(2002-2003)
Don Revie	(1961-1974)	Peter Reid	(2003)
Brian Clough	(1974)	Eddie Gray	(2003-2004)
Jimmy Armfield	(1974-1978)	Kevin Blackwell	05/2004 -
Jock Stein	(1978)

Bakgrunnsstoff

• Offisiell heimeside