Leicestershire

Leicestershire
Motto: For'ard, For'ard
Geografi
Status	Seremonielt og (mindre) ikkje-metropolitansk grevskap
Region	Aust-Midlands
Areal	2 156 km²
Demografi
Folketal - Totalt (2008) - Folketettleik	940 500 436,2 /km²
Etnisitet	85,0 % kvite 11,9% sørasiatiske 1,2% svarte 1,5% andre
Distrikt
1 Charnwood 2 Melton 3 Harborough 4 Oadby and Wigston 5 Blaby 6 Hinckley and Bosworth 7 North West Leicestershire 8 Leicester (sameint)

Leicestershire (forkorta Leics.) er eit grevskap sentralt i England. Det er kalla opp etter storbyen Leicester, tradisjonelt administrasjonssenteret i grevskapet, sjølv om City of Leicester i dag er ei sameint styresmakt som vert styrt fråskild frå resten av Leicestershire. Grevskapet grensar til Derbyshire i nordvest, Nottinghamshire i nord, Rutland i aust, Warwickshire i sørvest, Staffordshire i vest, Lincolnshire i nordaust og Northamptonshire i søraust.

County Hall, i Glenfield, om lag 5 km nordvest for sentrum i Leicester er sete for Leicestershire grevskapsråd og hovudkvarteret for styresmaktene i grevskapet.

River Soar spring ut aust for Hinckley, heilt sør i gresvskapet, og renn nordover gjennom Leicester før ho munnar ut i River Trent der Derbyshire, Leicestershire og Nottinghamshire møter kvarandre. Store område i nordvest, rundt Coalville, er ein del av det nye National Forest-området som strekkjer seg inn i Derbyshire og Staffordshire. Det høgaste punktet i grevskapet er Bardon Hill på 278 meter over havet. Dette er òg ein såkalla marilyn.

Historie

Dei ytre grensene til Leicester har endra seg lite sidan Domesday Book vart skrive i 1086. Dei einaste større endringane er at Derbyshire har fått eksklaven Measham-Donisthorpe, medan veksten til Market Harborough førte til at Little Bowdon vart overført frå Northamptonshire.

I 1974 vart Rutland underlagt Leicestershire som eit distrikt. Dette vart reversert 1. april 1996.

Bakgrunnsstoff

Commons har multimedia som gjeld: Leicestershire

• Leicester Mercury
• Leicestershire grevskapsråd
• Bilete av Leicestershire
• Offisiell turistside

Kjelder

• Denne artikkelen bygger på «Leicestershire» frå Wikipedia på engelsk, den 27. november 2009.