Lister prosti

Lister prosti er eit tidlegare tenestedistrikt i Agder og Telemark bispedømme i Den norske kyrkja. Prosten hadde sete i Flekkefjord. Prostiet svara til kommunane Farsund, Flekkefjord, Hægebostad, Kvinesdal, Lyngdal og Sirdal i geografisk utstrekking. Prostiet er no ein del av Lister og Mandal prosti.^[1]

Prostiet var inndelt i sokn. Soknet er grunneininga i Den norske kyrkja. Dei som arbeider i kyrkja er anten tilsette av soknet gjennom kyrkjeleg fellesråd, eller dei er tilsette i prostiet. Dei fleste prestane er tilsette i prostiet, og har tenesta si knytt til eit eller fleire sokn. Fram til 2004 var prestetenesta lokalt organisert i prestegjeld.

Lyngdal kyrkje var prostikyrkje for Lister prosti.^[2]