Livingston i Skottland

Livingston
Sentrum i Livingston før nyutviklinga Sentrum i Livingston før nyutviklinga
Plassering
Styresmakter
Land	Storbritannia
Konstituerande land	Skottland
Region	West Lothian
Grunnlagd	1965
Geografi
Innbyggjarar  - By (2007)	55 725
Koordinatar	55°54′N 3°31′W
Diverse annan informasjon
Postnummer	EH53, EH54
Telefon-retningsnummer	01506
Commons har multimedium som gjeld: Livingston i Skottland

Livingston er ein ny by i West Lothian i Skottland. Han vart grunnlagt i 1960-åra for å avlaste Glasgow, men ligg nærare Edinburgh og har hatt mest effekt der. Han er administrasjonsenter for regionen West Lothian. Kritiske røyster har skildra han som eit stort kjøpesenter som er sloppe ned oppå ein landsby.

Byen var den fjerde av dei nye byane i Skottland som vart grunnlagt etter andre verdskrigen. Prosjektet starta i 1965. Den lokale industrien hadde hovudtyngda si innan teknologi, og blant anna Motorola har ein stor fabrikk der. Det er no grossistbedrifter som er dei viktigaste arbeidsgjevarane, saman med National Health Service.

Livingston er eit av dei største handleområda i Skottland, med eit stort kjøpesenter som vart grunnlagt samtidig med byen, og utvida i 1995. Eit anna stort kjøpesenter har òg kome til.

Kjelder

• Denne artikkelen bygger på «Livingston (Skottland)» frå Wikipedia på bokmål, den 13. juli 2011.