Lofamilien

Frå Wikipedia – det frie oppslagsverket
Gå til: navigering, søk
Lofamilien


Kvitbrystlo, Charadrius alexandrinus Foto: Mike Baird
Kvitbrystlo, Charadrius alexandrinus
Foto: Mike Baird

Systematikk
Rike: Animalia
Rekkje: Chordata
Klasse: Aves
Orden: Charadriiformes
Familie: Charadriidae

Lofamilien er ein biologisk familie av loer, boltitar og viper i ordenen vade-, måse- og alkefuglar, Charadriiformes. Totalt er det klassifisert ca. 66 artar.

Dette er små til mellomstore vadefuglar med kompakt kropp, kort, tjukk hals og lange, vanlegvis spisse venger. Dei varierer i storleik frå svartkronelo på 26 gram og 14 cm til maskevipe på opptil 370 gram og 38 cm.

Dei er distribuert på opent land over heile verda, hovudsakleg i habitat nær vatn, sjølv om det er nokre unntak, ørkenboltit, til dømes, føretrekkjer steingrunn i ørkenen i Sentral- og Vest-Australia.

Desse fuglane finn føde med hjelp av synet, heller enn ved å søkje med lange nebb som nokre sniper gjer. Dietten femnar om insekt, makk eller andre virvellause dyr avhengig av type habitat dei lever i. Jaktteknikken er vanlegvis ein springe-og-pause teknikk, snarare enn stadige undersøkingar slik nokre av dei andre gruppene av vadefuglar gjer. I hekketida vernar dei territoria sine med hjelp av sterkt synlege oppvisingar.

Taksonomi[endre | endre wikiteksten]

Generelt har større artar i familien ofte blitt kalla viper, mindre artar loer eller boltitar. Dette dannar to taksonomiske undergrupper: dei fleste viper høyrer inn i gruppa Vanellinae, dei fleste loer og boltitar høyrer til Charadriinae.

Lofamilien i rekkjefølgje etter Clementslista frå desember 2008.

Brunsidelo, Erythrogonys cinctus, lever på det australske kontinentet og på sørlege Ny-Guinea
  • Pluvialis Slekta samlar fire artar som hekkar i arktiske eller tempererte område: tundralo, heilo, kanadalo og sibirlo
  • Charadrius Dette er 30 artar av dei typiske loer, dei fleste er karakteriserte av brystband og krageteikning i fjørdrakta. Boltit høyrer òg inn her.
  • Thinornis
Svarthovudlo, Thinornis cucullatus, og fjærelo, Thinornis novaeseelandiae, lever i kystnære område i delar av Oseania
  • Elseyornis, monotypisk
Brunskulderlo, Elseyornis melanops, finst i Australia, Tasmania og New Zealand
  • Peltohyas, monotypisk
Ørkenboltit, Peltohyas australis, lever i dei tørre områda av sørlege Australia
  • Anarhynchus, monotypisk
Skeivnebblo, Anarhynchus frontalis, hekkar og lever på New Zealand, trekkfugl mellom Nord- og Sørøya.
  • Phegornis, monotypisk
Diademlo, Phegornis mitchellii, lever i dei høgste områda av Peru, sørover til vestre Argentina og til Chile
  • Oreopholus, monotypisk
Rusthalslo, Oreopholus ruficollis, er knytt til høglandet i Andes, hekkar innanfor grensene til Argentina, Bolivia, Chile og Peru.

Kjelder[endre | endre wikiteksten]

Bakgrunnsstoff[endre | endre wikiteksten]