London Borough of Newham

Frå Wikipedia – det frie oppslagsverket
London Borough of Newham
bydel
Land  England
Region Stor-London
Areal 36,2017 km²
Folketal 352 005 (2018)[1]
Kart
London Borough of Newham
51°31′00″N 0°02′00″E / 51.516666666667°N 0.033333333333333°E / 51.516666666667; 0.033333333333333
Wikimedia Commons: London Borough of Newham
Rådhuset i East Ham

Newham er ein bydel i det austlege London. Han blei oppretta i 1965 ved at krinsane East Ham og West blei slått saman. Green Street markerer grensa mellom dei to delane. North Woolwich blei også ein del av distriktet; dette området blei flytta over frå Woolwich. Distriktet blir leia av ein direktevalt borgarmeister, men er også underlagt Stor-London.

Newham grensar mot bydelane Barking and Dagenham i aust, Greenwich i sør, Hackney og Tower Hamlets i vest og Redbridge i nord. Tre av grensene blir markert av elvar: Roding (aust), Themsen (sør) og Lee (vest).

Bydelen høyrer til det ytre London, ettersom det ikkje låg i det gamle grevskapet London. Samstundes slit den med dei same problema som bydelane i indre London, utan å få dei økonomiske overføringane som desse bydelane får. Bydelsrådet arbeider derfor for å få omdefinert grensa slik at Newham blir rekna med i indre London, eller i det minste at det blir gitt same støtteordningar.

Etter konstruksjonen av Docklands Light Railway (DLR) og utvidinga av Jubilee-linja har kollektivtilbodet i Newham blitt svært mykje betre enn det var tidlegare. Channel Tunnel Rail Link skal få stoppestad i Stratford, og Crossrail er meint å skulle tene området. London City Airport ligg i Newham.

Newham var ein av fem bydelar som var vertskap for Sommar-OL 2012.

Stader i Newham[endre | endre wikiteksten]

  1. 1,0 1,1 1,2 1,3 http://www.ons.gov.uk/peoplepopulationandcommunity/populationandmigration/populationestimates/datasets/populationestimatesforukenglandandwalesscotlandandnorthernireland.