Lorentz Angell
| Lorentz Angell | |
.jpg) | |
| Statsborgarskap | Noreg |
| Fødd | 11. august 1778 Trondheim |
| Død | |
| Yrke | prest, politikar |
| Språk | norsk |
| Religion | Den evangelisk-lutherske kyrkja |
| Far | Jonas Angell |
| Lorentz Angell på Commons | |
Lorentz Angell (11. august 1778–5. august 1860) var ein norsk prest og stortingsrepresentant.
Angell var son av soknepresten til domkyrkja i Trondheim. Han gjekk ut av Trondhjems Latinskole, der han var elev av Søren Monrad. Examen artium tok han i 1795 og teologisk embetseksamen i 1799. I 1804 vart han utnemnd til aftansongprest og rektor ved skulen i Tønsberg. Ni år seinare vart han sokneprest til Kvernes på Nordmøre, og i 1817 dessutan prost over Nordmøre prosti. I 1827 vart han utnemnd til sokneprest i Melhus. Året etter vart han residerande kapellan ved domkyrkja i Trondheim, i 1846 sokneprest i same. Han tok avskjed i 1860.
Angell representerte Kristiansund og Molde på det overordentlege stortinget i 1814. Han var innvald for Trondheim til Stortinget 1833, men grunna sjukdom møtte han ikkje.
Kjelder[endre | endre wikiteksten]
- Lindstøl, Tallak:Stortinget og Statsraadet 1814-1914. Kristiania, 1914
- Biografisk informasjon om Lorentz Angell NSD Norsk senter for forskningsdatas politikararkiv
- Bokmålswikipedia