Ludvika kommun

Frå Wikipedia – det frie oppslagsverket
Gå til: navigering, søk
Ludvika kommun
Ludvika vapen.svg
Kommunevåpenet til Ludvika kommun
Len Dalarnas län
Landskap Dalarna
Centralort Ludvika
Areal 1 657 km²
 – Landareal 1 499 km²
 – Vassareal 158 km²
Folketal 25 425
Folketettleik 16,96/km²
Kommunenummer 2085
Nettside www.ludvika.se
Kart
Ludvika Municipality in Dalarna County.png

Ludvika kommun er ein kommune i Dalarnas län i Sverige. Kommunen grensar til ni andre kommunar, både i Dalarnas län, Värmlands län og Örebro län. Administrasjonssenteret i kommunen er Ludvika.

Kommunen ligg i den austlege delen av Bergslagen. Landskapet er kupert med skog i dei høgare partia. I søraust finn ein meir oppdyrka mark, og myrlandskap i vest. Industrien er allsidig med mellom anna transformator- og høgspenningsapparat-produksjon. Det er også bryggjeriverksemd i Grängesberg.

Administrativ historikk[endre | endre wikiteksten]

Eit municipalsamhälle med namnet Ludvika vart oppretta i 1901 i Ludvika kommun. I 1915 braut ein del ut av landskommunen for å danne Ludvika köping, som berre fire år seinare vart Ludvika stad. I det som var att av Ludvika landskommun og i Norrbärke kommun hdde det i 1918 vorte innlemma eit nytt municipalsamhälle med namn Marnäs. I 1925 vart dette innlemma i Ludvika stad. Etter ei tid med mange endringar låg kommuneinndelinga i området fast og vart ikkje påverka av kommunereforma i Sverige i 1952. Men Ludvika landskommun vart innlemma i byen i 1963. I 1971 vart Ludvika kommun oppretta gjennom samanslåing av byen, Grangärde landskommun og Säfsnäs landskommun.

Kommunevåpenet[endre | endre wikiteksten]

Blasonering: På blå bakgrunn, ein sølvstraum med eit gamalt teikn for torevêr på, på kvar side ei [fransk] lilje av gull.[1]

Våpenet vart i 1920 fastsett av kongen for Ludvika stad. Straumen og torevêrsymbolet symboliserer Ludvika ström og kraftutvinninga. Liljene kjem frå våpna til slektene Lillie og Cedercreutz. Ludvika bruk hadde på 1600-talet vore eigd av Axel Lillie. Då kommunen vart oppretta i 1971 vart det avgjort at han skulle overta byvåpenet, og det vart registrert i Patent- och registreringsverket i 1974. Dei tidlegare landskommunane som gjekk inn i den nye kommunen hadde hatt sine eigne våpen, og desse vart ugyldige.

Tettstader[endre | endre wikiteksten]

Det er tolv tettstader i Ludvika kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr. Tettstad Folketal
1 Ludvika 14 018
2 Grängesberg 3 532
3 Sörvik 718
4 Fredriksberg 717
5 Nyhammar 686
6 Saxdalen 615
7 Sunnansjö 557
8 Blötberget 448
9 Håksberg 439
10 Gonäs 366
11 Grangärde 346
12 Persbo 343

Kjelder[endre | endre wikiteksten]

Fotnote[endre | endre wikiteksten]

  1. «På blått fält en bandvis ställd ström av silver, belagd med en antik åska av fältets färg samt åtföljd på vardera sidan av en lilja av guld».