Lundy

Frå Wikipedia – det frie oppslagsverket
Gå til: navigering, søk
Hamna på Lundy

Lundy er den største øya i Bristolkanalen, 19 km utanfor kysten av Devon i England, om lag ein tredjedel over kanalen mellom England og Wales. Ho er 5 km lang og 1 km brei. Lundy har gjeve namn til eit havvarslingsområde i Storbritannia og høyrer til England.

I 2007 var det 28 fastbuande på øya. Mellom desse finn ein oppsynsmann, ein øybestyrar go bønder, samt personale på ein pub. Dei fleste bur i og rundt landsbyen Marisco sør på øya. Dei fleste vitjande kjem her på dagsturar.

I ein lesarundersøking i Radio Times i 2005 vart Lundy kåra til det 10. største naturlege underverket i Storbritannia. Heile øya har status som Site of Special Scientific Interest[1] (stad av særskild vitskapleg interesse) og var det første marine naturreservatet i England, og den første marine vernesona.[2]. Dette kjem av det unike dyre- og plantelivet på øya. Øya vert styrt av Landmark Trust på vegner av National Trust.

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Lundy

Kjelder[endre | endre wikiteksten]

  1. «Lundy SSSI citation sheet» (PDF). Natural England. http://www.english-nature.org.uk/citation/citation_photo/1001042.pdf. Henta 25. januar 2010. 
  2. Natural England,News release, 12. januar 2009

Koordinatar: 51°10′N 4°40′W