Lygra
| Lygra | |
|---|---|
 Lygra sett frå vest | |
| Geografi | |
| |
| Stad | Alver |
| Koordinatar | 60°41′17.912″N 5°7′15.607″E / 60.68830889°N 5.12100194°E
|
| Areal | 2,5 km²
|
| Høgaste punkt | 52 moh. |
| Administrasjon | |
| Land |  Noreg
|
| Fylke | Vestland
|
| Demografi | |
| Folketal | 60 (2009) |
| Folketettleik | 24 /km² |
Lygra er ei øy mellom Lurefjorden og Lureosen i Nordhordland. Øya ligg nordvest i Alver kommune. Lokalt vert øya kalla Luro, og ofte vert også øya Kalven, som ligg nordom Lygra med eit smalt sund mellom, og øya Børøyna, som ligg sørom, omtala som ein del av Lygra. Lygra er lang og smal, om lag 4 km lang og 800 meter på det breiaste.
Det er veg til øya som kom i 1972, og denne går over Børøyni og vidare inn til Seim der ein kjem inn på E39.
På Lygra ligg også ei rekkje gardar og Lyngheisenteret, som er eit informasjonssenter om kystlandskapet.
Det er kring 60 fastbuande (overslag frå 2009) og ein del fritidsbustader.
På øya ligg Lygra kyrkje frå 1892, og Lygra har vore kyrkjestad sidan mellomalderen. Det også ein del gravminne ifrå vikingtida på øya.[1] På Kalven (øya nordom Lygra) ligg ein utgraven gard ifrå mellomalderen som ein reknar med vart aude under Svartedauden.
Det er snøggbåtstopp på flytebrygga nedom Lyngheisenteret som snøggbåten går innom etter forespurnad på sine ruter mellom Sogn og Bergen.
Folketalsutvikling:
| 1801[2] | 1900[3] |
|---|---|
| 58 | 115 |
Kjelder[endre | endre wikiteksten]
Referansar[endre | endre wikiteksten]
- ↑ Lygra - Kulturlandskap i Endring av Kjersti Isdal (1998).
- ↑ Folketeljing 1801 for Lindås prestegjeld, frå Digitalarkivet
- ↑ Folketeljing 1900 for Lindås herred, frå Digitalarkivet