Machair

Frå Wikipedia – det frie oppslagsverket
Gå til: navigering, søk
Machair på Berneray i Ytre Hebridane.

Machair eller machar er eit gælisk ord for ei frodig, lågtliggande grasslette på nordvestkysten av Irland og Skottland, særleg i Ytre Hebridane. Det finst to forskjellige typar.

  • Ei slags eng av sanddyner som vert dyrka og som dominerer i våte og vindfulle område.
  • Landområdet mellom ei strand og eit område der sand trenger inn i eit myrområde lenger inne i landet.
Machair på Berneray

Geologi[endre | endre wikiteksten]

I begge tilfelle er ein machair ei tidlegare strand som er løfta opp forbi stranda etter at havnivået har senka seg. Machairar er frodige fordi sanden er rik på skjel, stundom så mykje som 90 % skjel. Denne sanden bles innover land og nøytraliserer syrenivået i myrene og fører til frodige grassletter.

Økologi[endre | endre wikiteksten]

Machairar har ofte eit unikt økosystem. Dei kan huse sjeldne blomar som hønsegras, orkidear og engkall,[1] samt mange fuglartar som åkerrikse, bergirisk, strandvipe, raudstilk og sandlo, og fleire sjeldne insekt som ein spesiell bieart. Nokre machairar er truga av erosjon på grunn av stigande havnivå, samt av at strendene i nærleiken vert nytta av menneske.

Kjelder[endre | endre wikiteksten]