Malin Head

Frå Wikipedia – det frie oppslagsverket
Gå til: navigering, søk
Malin head4.JPG
Malin head6.JPG
Malin head5.JPG

Malin Head (irsk: Cionn Mhálanna) er det nordlegaste neset på det irske fastlandet. Det ligg derimot ikkje i Nord-Irland. Det nordlegaste punktet er derimot 2 km nordaust for Malin Head på Inishowenhalvøya i County Donegal. Vêrstasjonen på Malin Head (bygd i 1955) er ein viktig del av den irske meteorologitenesta Met Éireann, som lagar vêrmeldingar.

Banba's Crown (Banba si krone) på Malin Head er det nordlegaste punktet på øya Irland. Banba var ei av dei mytiske dronningane på Irland. Banba's Crown ligg om lag 16 km nord for landsbyen Malin.

Ein høg og forlatt bygning lokalt kalla The Tower vart bygd her i 1802 av Admiraliteten, og seinare nytta som ein signalstasjon. Under den andre verdskrigen vart det bygd små hytter som vart nytta av dei irske forsvarsstyrkane for å halde vakt og verne irsk nøytralitet. Marconi Wireless bygde ein radiostasjon ved sidan av tårnet i 1910. Mange år seinare vart denne stasjonen flytta nokre kilometer bort og vert no kontrollert av den irske kystvakta. I nordaust kan ein sjå øya Inistrahull, der det har stått eit fyr sidan 1813.

Wee House of Malin[endre | endre wikiteksten]

Wee House of Malin er ei grotte i åssida og skal ha vore heimstaden til St. Muirdealach. Segna seier at uansett kor mange folk som gjekk inn i grotta, var det alltid plass til fleire. Ved sida av grotta ligg ruinane av ei gamal kyrkje som i følgje segna var bygd av St. Muirdealach.

Ornitologi[endre | endre wikiteksten]

Malin Head er ein av få stader i Europa der ein kan høyre åkerriksen. Her har ein óg god utkikk til trekkfuglar som havsule, gulnebblire, storjo, alke og mange andre.

Kjelde[endre | endre wikiteksten]


Koordinatar: 55°23′N 7°22′W