Mario & Luigi: Bowser's Inside Story

Mario & Luigi: Bowser's Inside Story
Utviklar(ar)	AlphaDream
Utgjevar(ar)	Nintendo
Serie	Mario & Luigi
Sjanger	Rollespel
Spelmodus	Einspelar
Utgjeving	JP 11. februar 2009 NA 14. september 2009 EU 9. oktober 2009 AUS 22. oktober 2009
Aldersgrense	PEGI: 3+ CERO: A ESRB: E

Mario & Luigi: Bowser's Inside Story (マリオ&ルイージRPG3!!!, Mario & Luigi RPG 3!!!) er eit rolle-dataspel utvikla av AlphaDream og utgjeve av Nintendo for Nintendo DS. Det vart gjeve ut i Japan februar 2009, i Nord-Amerika september 2009 og i Europa og Australia oktober same året. Spelet er det tredje i Mario & Luigi-serien, etter høvesvis Mario & Luigi: Superstar Saga og Partners in Time.

Oppsett

I Mario & Luigi: Bowser's Inside Story byttar spelaren mellom tre karakterar å styre. Mario og Luigi er båe på innsida av Bowser i den første delen av spelet, der dei utforskar eit miljø i 2-D plattform-stil. Kampane er framleis turbaserte, og dei blir starta ved å kome borti fiendar. Bowser utforskar Sopperiket (en: Mushroom Kingdom) i eit perspektiv sett ovanifrå med ein viklel 3/4 frå bakken, mykje likt tidlegare Mario & Luigi-spel. Eit stykke ut i spelet kan Mario og Luigi kome seg ut frå innsida til Bowser og utforske Sopperiket dei med. Duoen kan så nytte røyr for å koma attende inn i kroppen til Bowser.

Spelet nyttar det same kampsystemet som dei to føregangarane. I tillegg til Mario og Luigi er Bowser no også ein spelbar karakter i kampsekvensane. Kampsystemet hjå Bowser er ganske likt det hjå Mario og Luigi, men med nokre små skilnader; Bowser slåst åleine, men er langt sterkare enn Mario-brørne. Eit stykke ut i spelet lærer Bowser å anda inn fiendane sine, noko som lèt Mario og Luigi slåst mot fienden inni Bowser.

Bakgrunnsstoff

• Mario & Luigi: Bowser's Inside Story på Nintendo.no
• Offisiell japansk nettside
• Offisiell amerikansk nettside