Marit Bjørgen

Marit Bjørgen vann gullmedalje under Vinter-OL 2010.

Marit Bjørgen (fødd 21. mars 1980) er ein norsk langrennsløper som vart verdsmeister i 2003 og 2005 og tok sølvmedalje på 10 km klassisk i OL i Torino. Ho er fødd i Trondheim og voks opp på Rognes i Midtre Gauldal kommune.

Marit Bjørgen kom på andre plass i verdscupen samanlagt i sesongen 2003/04 og vann verdscupen samanlagt i sesongen 2004/05, sprintverdscupen og distanseverdscupen. Sprintverdscupen har ho og vunne 2 gongar tidlegare.

Allereie 6. mars 2005, med 4 renn att av sesongen, vart Marit Bjørgen kåra til vinnar av verdscupen i langrenn. Dette vart klart etter verdscupstemnet i Lahti der ho ikkje deltok grunna sjukdom. Kristina Smigun på andre plass var så langt bak at ho ikkje hadde moglegheit til å inn att det tapte før sesongslutt. Den store leiinga i verdscupen gjorde at Marit Bjørgen var storfavoritt på fleire distansar før ski-VM i Oberstdorf i 2005 og innfridde favorittstempelet ved å blant anna ta gull på 30 km klassisk, ein distanse som ikkje har vore rekna blant hennar sterkaste. Same året vart ho tildelt Aftenpostens Gullmedalje.

Vinteren 2006 var ho i storform, men influensa øydela oppkjøringa mot OL i Torino. OL vart ei stor skuffing for Bjørgen, og ho måtte dra heim med berre éin medalje (sølv på 10 km klassisk). Til NRK uttalte ho at ho gledde seg til å dra heim frå «hølet» Pragelato. Enkelte meinte at ho ville få problem med å koma seg att, mellom anna på grunn av ein kraftig knekk i sjølvtilliten. Likevel vann ho allereie det første verdscuprennet etter OL, kvinnenes Vasalopp på 45 km klassisk, og dét over eit og eit halvt minutt før den næraste konkurrenten, Hilde Gjermundshaug Pedersen.

I Vinter-OL 2010 i Vancouver vart Marit Bjørgen olympisk meister på sprinten, ho tok og bronse på 10 km fri teknikk. Særleg for innsatsen sin på Vinter-OL i Vancouver, vann Marit Bjørgen Holmenkollmedaljen i mars og Fearnleys olympiske ærespris i april 2010.

Medaljar i internasjonale meisterskap

Totalt har Marit Bjørgen 8 medaljar, 5 gull, 2 sølv og 1 bronse, frå store internasjonale meisterskap.

OL i Vancouver 2010

• gull på sprint

OL i Torino 2006

• Sølv på 10 km klassisk

Ski-VM i Val di Fiemme 2003

• Gull på langrennssprinten

Ski-VM i Oberstdorf 2005

• Bronse på 10 km fristil
• Sølv på 7,5 km dobbel jaktstart
• Gull på stafetten for kvinner (saman med Hilde Gjermundshaug Pedersen, Vibeke Skofterud og Kristin Størmer Steira)
• Gull på sprintstafett (saman med Hilde Gjermundshaug Pedersen)
• Gull på 30 km klassisk stil

Resultat i verdscupen

Plasseringar samanlagt

• 2004/05 - Vinnar
• 2003/04 - Nummer 2

Plasseringar i sprintverdscupen

• 2004/05 - Vinnar
• 2003/04 - Vinnar
• 2002/03 - Vinnar

Plasseringar i distanseverdscupen

• 2004/05 - Vinnar

Sigrar i verdscupen

Totalt har Marit Bjørgen 49 sigrar i verdscupen (per 10.Desember 2011).

• 19. mars 2005 - Falun - Dobbel jaktstart
• 16. mars 2005 - Göteborg - Sprint
• 12. mars 2005 - Holmenkollen, Oslo - 30 km klassisk stil
• 16. januar 2005 - Nove Mesto - Sprint
• 8. januar 2005 - Otepää - 10 km klassisk stil
• 14. desember 2004 - Asiago - Sprint
• 11. desember 2004 - Val di Fiemme - Dobbel jaktstart
• 4. desember 2004 - Bern - Sprint
• 20. november 2004 - Gällivare - 10 km klassisk stil
• 23. oktober 2004 - Düsseldorf - Sprint
• 12. mars 2004 - Pragelato - Sprint
• 5. mars 2004 - Lahti - Sprint
• 26. februar 2004 - Drammen - Sprint
• 24. februar 2004 - Trondheim - Sprint
• 18. februar 2004 - Stockholm - Sprint
• 18. januar 2004 - Nove Mesto - Sprint
• 16. desember 2003 - Val di Fiemme - Sprint
• 12. februar 2003 - Reit im Winkl - Sprint
• 11. desember 2002 - Clusone - Sprint
• 26. oktober 2002 - Düsseldorf - Sprint

Bakgrunnsstoff

• Biografi hjå FIS
• Aftenposten, 17.04.10: Bjørgen og Ulset hyllet av kongen.
• VG, 13.03.10: Holmenkollmedaljen til Marit Bjørgen.