Marsfiol

Frå Wikipedia – det frie oppslagsverket
Gå til: navigering, søk
Marsfiol


Nærbilete av blomsteren.
Nærbilete av blomsteren.

Systematikk
Rike: Plantae
Klasse: Magnoliopsida
Orden: Malpighiales
Familie: Violaceae
Slekt: Viola
Art: V. odorata
Vitskapleg namn
Viola odorata

Marsfiol (Viola odoráta) er ein plante i fiolslekta som blir opp til 7 cm. høg. Han blømer om våren med store mørkblå blomstrar som luktar godt. Blad og blomsterskaft dannar ein rosett ved bakken. Han har òg små blad på blomsterskaftet. Seinare kjem det blomstrar som ikkje opnar seg, men sjølvpollinerar. Desse har korte skaft og bøyer seg mot marka. Fruktene på desse blir modna på eller i molda. Plantar som har to slags frukt, på marka og i lufta, kallast amfikarpe. Eit anna døme er gaukesyre. Frøa til marsfiolen blir spreidde av maur. Planta formeirar seg også vegetativt med lange tæger, og kan danne store koloniar.

I Noreg er marsfiol ein forvilla hageblomster som finst rundt Oslofjorden, sør til Arendal. Det er òg førekomstar ved Mandal og Stavanger.

Kjelde[endre | endre wikiteksten]

  • Johannes Lid: Norsk og svensk flora. Oslo, 1974.
  • C. A. M. Lindman: Nordens flora. Oslo 1977.
Marsfiol. Sjå særleg korleis rosetten med blad- og blomsterskaft går av frå tægene, og dei små blada på blomsterskaftet.
Foto: Kjetil Lenes