Martin Knudsen

Frå Wikipedia – det frie oppslagsverket
Gå til: navigering, søk

Martin Knudsen, (fødd 4. januar 1978) i Bergen, er ein norsk fotballspelar. Sidan 2000 har han spelt for Brann. Frå og med 2007 kjem han til å spela for Tromsø.

Knudsen debuterte i eliteserien i 1997 då han spelte for Viking FK. Han blei på den tida rekna som ein av dei meir talentfulle spelarane i eliteserien, og fekk med seg 22 eliteseriekampar for Viking den sesongen. I 1998 spelte Knudsen alle seriekampane for Viking. Knudsen markerte seg som ein allsidig spelar som spelte mest på høgresida på midtbanen, men han har i løpet av karrieren òg spelt ein del på dei to backane og som venstrekant.

Etter ein brukbar 1999-sesong gjekk han til Brann, der han raskt etablerte seg som høgrekant. Han spelte òg på det norske U21-landslaget. Men i august 2000 blei Knudsen ramma av salmonella, noko som førte til at det tok nesten eit år før han kom tilbake på fotballbanen. Derfor spelte han berre sporadisk hausten 2001 for Brann.

Sidan 2002 har Knudsen vore litt inn og ut av Brann-laget, men han har likevel fått med seg dei fleste kampane. Han er òg i stadig større grad blitt flytta rundt på laget. Då Brann vann cupfinalen i 2004 blei Knudsen kåra til ein av banens beste spelarar.

Knudsen blir rekna som ein taklingssterk og løpssterk spelar, men han har til tider fått kritikk for dårleg pasningsspel.

I yngre år spelte Knudsen for Midtbygden og Fyllingen.

Karriere som spelar[endre | endre wikiteksten]

(Sist oppdatert 29. oktober 2006)

Klubb Kampar Mål Periode
Noreg Viking 68 1 1997-1999
Noreg Brann 169 13 2000-

Lenkjer[endre | endre wikiteksten]

Spelarprofil på skbrann.org