Mathias Bonsak Krogh

Frå Wikipedia – det frie oppslagsverket
Mathias Bonsak Krogh

Statsborgarskap Noreg
Fødd 4. oktober 1754
Vadsø kommune
Død

2. september 1828 (73 år)
Alstahaug kommune

Yrke prest, politikar
Språk norsk
Verv Biskop i Nordlandene og Finmarken
Periode 1805–1828
Føregangar Ingen
Etterfylgjar Peder Christian Hersleb Kjerschow
Religion Den evangelisk-lutherske kyrkja
Mathias Bonsak Krogh på Commons
Belsvåg gard, den første bispegarden i Nord-Noreg.
Gravstøtta ved Alstahaug kyrkje

Mathias Bonsak Krogh (4. oktober 17542. september 1828) var ein norsk geistleg og stortingspolitikar.

Krogh var fødd i Vadsø. Han studerte i København, og tok teologisk embetseksamen i 1779. Han var sokneprest i Lenvik (ordinert i 1781), i Vågan (1788) og i Ørland (1798) før han vart utnemnd til den første biskopen for Nordlandene og Finmarken (Hålogaland bispedømme). Denne stillinga hadde han frå 1805 til han døydde i 1828. Som biskop budde Krogh på Belsvåg ved Alstahaug i Helgeland. Her døydde han, og er gravlagd ved Alstahaug kyrkje.

Politisk engasjement[endre | endre wikiteksten]

Krogh var også nordnorsk politikar, og sat på Stortinget 1815-1816. Der arbeidde han blant anna for å bryte bergenskjøpmennene sitt monopol i nordlandshandelen, ved at det vart gjeve kjøpstadsrettar til Hundholmen (1816), som seinare vart Bodø by.

Gravsteinen[endre | endre wikiteksten]

Støtta på Krogh si grav er særeigen. Innskrifta, som han sjølv skal ha forfatta, lyder slik:

Her hviler / den forkrænkelige Deel af / Mathias Bonsak Krogh / Biskop / over Nordl. og Finmarken / Fra Aaret 1805 til 1828 / Fød 1754, Gift 1781. / Død 1728 den 2. septb. / Han efterlader 5 Børn / som leve, 6 døde
Efter mange alvorlige / Undersøgelser fandt han / i Jesu Evangelium det Lys / som opklarede hans Tvivl / den Trøst som ene beroligede / hans Hjerte / og i Troen på den Frelser, / der forligte Syndere med Gud / gik han frimodigen ind til / den bedre Verden.
I mangehånde Livs Farer / beskiermede ham / den algode Faders / almægtige Haande / hans Sorger / bleve formildede / ved mange Glæder. / Han efterlader sig / hverken Rigdom / eller Uvenner.
Hans Eftermæle / overlades dem / som nøjere kiendte ham / at bestemme. / Den retfærdige men / Milde Dommer / at veje hans Daad. / med Haanden paa Hjertet / sukker han: / Gud vær mig Synder naadig.
ipse fecit

Kjelder[endre | endre wikiteksten]

Bakgrunnsstoff[endre | endre wikiteksten]