Maude Abbott
| Maude Abbott | |||
 | |||
| Fødd | 18. mars 1868 Saint-André-d'Argenteuil | ||
|---|---|---|---|
| Død | 2. september 1940 Montreal | ||
| Nasjonalitet | Canada | ||
| Yrke | lege, patolog, kardiolog, teknisk forfatter, universitetslærar | ||
| Institusjonar | McGill University | ||
| Alma mater | Bishop's University | ||
| Medlem | New York Academy of Medicine Canadian Medical Association | ||
Maude Elizabeth Seymour Abbott (18. mars 1868–2. september 1940) var ein kanadisk lege frå Quebec. Ho var ein av dei fyrste kvinnelege legane i Canada og si tids leiande ekspert på medfødde hjartefeil[1]. Hennar kapittel om medfødde hjartefeil i William Oslers System of Medicine (1908) kan reknast som starten på pediatrisk kardiologi (barnekardiologi) som ein subspesialitet. Det viktigaste verket hennar er boka Atlas of Congenital Heart Disease frå 1936.
Abbott var i det tredje opptaket av kvinnelege studentar til Faculty of Arts ved McGill University i Montreal. Ho blei deretter nekta opptak ved det medisinske fakultet der av di ho var kvinne, og byrja derfor ved Bishop's University. Som einaste kvinne det året blei ho uteksaminert i 1894. Deretter blei det forskingsopphald i Zürich, Wien, Edinburgh og Glasgow før ho blei assisterande kurator ved McGill Pathological Museum i 1899, kurator i 1901.
Abbott blei æresdoktor ved McGill i 1910 og Lecturer in Pathology. Trass i ein stor vitskapeleg produksjon blei ho aldri meir enn assisterande professor (i 1925).
Maude Abbott blei tatt inn i Canadian Medical Hall of Fame etter sin død, i 1994. Ho er den einaste kvinna blant dei femti avbilda i det store veggmåleriet til Diego Rivera, La Historia de la Cardiología, i Mexico by.
Kjelder[endre | endre wikiteksten]
- ↑ William N. Evans: The relationship between Maude Abbot and Helen Taussig: connecting the historical dots. Cardiology in the Young 2008; 18: 557-564.
- Denne artikkelen bygger på «Maude Abbott» frå Wikipedia på engelsk, den 28. april 2006.
Bakgrunnsstoff[endre | endre wikiteksten]
- Biografi frå National Library of Medicine i USA