Meža

Frå Wikipedia – det frie oppslagsverket
Gå til: navigering, søk
Meža
Utspring Olševa
Munning Drava
Land i nedslagsfelt Flag of Austria.svg Austerrike
Flag of Slovenia.svg Slovenia
Lengd 43 km

Meža er ei 43 km lang elv i Koroška i Slovenia. Ho har kjelde i Austerrike nær fjellet Olševa, og forsvinn under jorde ein kilometer frå kjelda, før ho dukkar opp att i Koprivna nær Črna na Koroškem i Slovenia. Ho er ei sentral elv i Mežicadalen. Elva renn gjennom Črna na Koroškem, Mežica, Prevalje og Ravne na Koroškem og munnar ut i Drava ved Dravograd. Den første delen av Meža har eit stort fall og med sideelvane sine frå Kamnik-Alpane og Karavankane er ho ei typisk fjellelv. Etter Črna na Koroškem vert ho ei sakte, meanderande låglandselv. Den største sideelva hennar er Mislinja, som munnar ut i Meža berre nokre få hundre meter før ho sjølv munnar ut i Drava.

Meža er kjend som den mest forureina elva i Slovenia. I 1982 skreiv låtskrivaren og songaren Marijan Smode ein song om elva kalla «Mrtva reka» («Den døde elva»). Songen vart til og med trykt i skulesongbøker. Den største forureiningskjelda har vore Ravne stålverk.

Bakgrunnsstoff[endre | endre wikiteksten]

Kjelder[endre | endre wikiteksten]

Koordinatar: 46°35′N 15°01′E