Mikael Foslie
| Mikael Foslie | |
 | |
| Statsborgarskap | Noreg |
| Fødd | 21. oktober 1855 Borge kommune |
| Død |
9. november 1909 (54 år) |
| Yrke | botanikar |
| Språk | engelsk |
| Medlem av | Det Norske Videnskaps-Akademi |
| Mikael Foslie på Commons | |
Mikael Heggelund Foslie (21. oktober 1855–9. november 1909) var ein norsk botanikar frå Borge i Nordland, spesialist på havalgar. Han var far til Steinar Foslie.
Foslie var son til ein kyrkjesongar. I ungdomsåra arbeidde han som telegrafist i telegrafverket. Han var interessert i naturhistorie og byrja studere det marine livet, særleg havalgar. Frå 1880 fekk han statsstipend og kunne dermed vie seg heilt til studiane. Perioden 1885 til 1892 var han konservator ved Tromsø museum. Sidan styrte han samlingane ved vitskapsselskapet i Trondheim til han døydde.
Han gav ei rekke verk om systematikk til havalgane. Særleg arbeidde han med kalkalgar og ytte grunnleggjande tilskot til den vitskaplege litteraturen på feltet. I sine siste leveår sysle han på eit stort verk om kalkalgane, men rakk ikkje å fullføre det. I privatarkivet etter Foslie, som finst ved NTNU Universitetsbiblioteket, Gunnerusbiblioteket, er korrespondansen han førte om botanikk og zoologi.
Foslie døydde i Trondheim.
Kjelder[endre | endre wikiteksten]
- Norsk Allkunnebok. IV, bandet. 1952
- Denne artikkelen bygger på «Mikael Foslie» frå Wikipedia på bokmål, den 11. november 2013.