Modalen kommune

Modalen kommune
Komm.nr.	1252
Fylke	Hordaland
Adm.senter	Modalen
Areal	384 km²
Folkemengd	370 (1. jan 2012)
Politikk
Ordførar (2003-)	Knut Moe (LL)
Målform	Nynorsk
Nettstad	www.modalen.kommune.no/
Folketalsutvikling 1951-2010
Modalen kommune på Commons

Modalen er ein kommune i Hordaland. Modalen er den kommunen i Noreg med nest lågast innbyggjartal, med berre 370 innbyggjarar (jan. 2012). Kommunen har store inntekter frå vasskraft, men er òg ein stor eksportør av sand. Den største næringa er jordbruk, følgd av turisme og laksefiske i Modalselva. Kommunen hadde ikkje fast vegsamband før i 1976, då tunnelen til Eksingedalen vart bygd.

Som første kommune i Noreg har Modalen tilbydd innbyggjarane sine eit trådlaust nettverk med internettilkopling til fritt bruk. Kommunen var òg den første som kjøpte datamaskinar til alle skuleelevar i 1993. Ressursane til dei store investeringane kjem hovudsakleg frå dei store inntektene frå vasskrafta.

Modalen kommunestyre har 13 medlemmer, og er ikkje partipolitisk samansett. Representantane kjem frå 2 bygdelister: Samlingslista for Modalen og Solrenningslista.

Intresser i Modalen: Uni Micro (dataverksemd), Bryggjeslottet (samfunnshus, bowling, badebasseng), Coop Marked, Modalen Sjø og Fritid (turistverksemd) m.fl.

Tusenårsstad

Tusenårsstaden i Modalen er Mo kyrkje og området ho ligg på, der det har stått kyrkjer attende til rundt 1150-1200. Kyrkja som står der i dag vart bygd i 1883.

Utvikling av folkesetnaden i kommunen

Bakgrunnsstoff

• Kommunefakta (Hordaland) - frå Statistisk sentralbyrå