Moderata samlingspartiet

Moderata samlingspartiet
Ideologi	Liberalkonservatisme
Oppretta	1904
Farge	Blå
Partileiar	Fredrik Reinfeldt
Ungdomsorganisasjon	Moderata ungdomsförbundet
Partiavis	Medborgaren
Internasjonal tilknyting	International Democrat Union
Europeisk tilknyting	Det europeiske folkepartiet
Medlemstal	56 988
Nettstad	www.moderat.se

Moderata samlingspartiet (m), moderaterna, er eit svensk politisk parti, som vart grunnlagt i 1904 under namnet Allmänna valmansförbundet. Partiet står for liberalkonservatisme og ligg tradisjonelt til høgre i svensk politikk (frå 1938 til 1969 var også ordet «höger» i partinamnet). Partiet er det nest største i den svenske riksdagen (etter socialdemokraterna) og var i opposisjon fram til riksdagsvalet i Sverige i 2006. Før dette var partiet sist i regjering frå 1991 til 1994 (sjå regjeringa Carl Bildt). Ved valet i 2006 var partiet med i den borgarlege koalisjonen Allians för Sverige.

Ideologi

Ideologien til Moderata samlingspartiet er offisiellt liberalkonservatisme. Om det ideologiske tyngdepunktet ligg på liberalisme eller konservatisme, er omstridt. Somme meiner at partiet i Fredrik Reinfeldt si leiartid har gått vekk frå nyliberalisme og nærma seg sosialkonservatisme eller sosialliberalisme. Moderaterna har likevel ikkje fått nytt partiprogram, dessutan finst det mange nyliberalistar i leiande posisjonar i partiet. Nyliberalismen dominerer framleis også i ungdomsforbundet MUF. Medlemsbladet til moderaterna heiter Medborgaren.

Namnehistorikk

• 1904–1938: Allmänna valmansförbundet
• 1938–1952-1969: Högerns riksorganisation
• 1952–1969: Högerpartiet
• 1969– : Moderata samlingspartiet

Partileiarar

• Gustaf Fredrik Östberg (1904-1905)
• Axel Svedelius (1905-1906)
• Hugo Tamm (1907+)
• Gustaf Fredrik Östberg (1908-1912)
• Arvid Lindman (1912-1917)
• Olof Jonsson i Hov (1917)
• Arvid Lindman (1917-1935)
• Gösta Bagge (1935-1944, motkandidat Ivar Anderson)
• Fritiof Domö (1944-1950)
• Jarl Hjalmarson (1950-1961)
• Gunnar Heckscher (1961-1965, motkandidat Leif Cassel)
• Yngve Holmberg (1965-1970)
• Gösta Bohman (1970-1981, motkandidat Yngve Holmberg)
• Ulf Adelsohn (1981-1986)
• Carl Bildt (1986-1999, motkandidat Ingegerd Troedsson)
• Bo Lundgren (1999-2003)
• Fredrik Reinfeldt (2003- )