Mozjajsk

Mozjajsk Можайск
Flagget til Mozjajsk Byvåpenet til Mozjajsk
Plassering
Styresmakter
Land	Russland
Føderasjonssubjekt	Moskva oblast
Første nemnt i Bystatus	1231 1708
Geografi
Innbyggjarar  - Totalt (2008)	30 888
Koordinatar	55°30′″N 36°02′″E
Tidssone - Ved sommartid	MSK (UTC+3) MSD (UTC+4)
Diverse annan informasjon
Retningsnummer (tlf)	+7 49638

Mozjajsk (russisk Можа́йск) er ein by i Moskva oblast i Russland med om lag 30 000 innbyggjarar. Han ligg 110 km vest for Moskva, på den historiske vegen som fører til Smolensk og vidare til Polen.

Byen vart først nemnt i 1231 som tilhøyrande Tsjernigov. Seinare var han ei viktig festning for Smolensk-dynastiet. Byen vart erobra av Storfyrstedømet Moskva i 1303, men hadde i løpet av det neste hundreåret store problem med å forsvare han mot Algirdas av Litauen. Fyrstedømet vart vanlegvis heldt av ein yngre bror av den herskande storhertugen av Moskva, til praksisen vart droppa i 1493.

Den nye katedralen i Mozjajsk vart bygt 1802–1814.

Mozjajsk forsvarte framleis dei vestlege vegane inn mot Moskva under invasjon til Napoelon av Russland og under den andre verdskrigen. Det store slaget ved Borodino i 1812 fann stad tolv kilometer frå byen.

Den første steinkatedralen vart bygt i byen sitt kreml tidleg på 1300-talet. I 1849 vart han plukka frå kvarandre stein for stein og så rekonstruert nøyaktig slik han tidlegare var. Ein større blodraud katedral i nygotisk stil vart fullført i 1814. Kyrkja til St. Joakim og Anna har bevart element frå tidleg 1400-talet. Eit anna viktig landemerke er Luzjetskijklosteret, grunnlagt i 1408 av St. Ferapont og gjenoppbygd i mustein på 1500-talet. Klosterkatedralen, bygt under Vasilij III sitt styre, var tidlegare kjend for sine fresker, tilskriven kretsen til Dionisij.

Kjelder

• Delar av denne artikkelen bygger på «Mozjajsk» frå Wikipedia på bokmål, den 26. januar 2009.

Bakgrunnsstoff

Commons har multimedia som gjeld: Mozjajsk

• Offisiell nettstad for Mozjajsk (russisk)
• Mozjajsk på mojgorod.ru (russisk)