Muck i Skottland

Muck Lokalt namn: Eilean nam Muc
Port Mor på Muck
Geografi
Muck i Skottland ()
Stad	Atlanterhavet
Koordinatar	56°50′ N 6°15′ W
Øygruppe	Indre Hebridane
Areal	5,59 km²
Høgaste punkt	Beinn Airein (137 moh.)
Administrasjon
Land	Skottland
Region	Argyll and Bute
Største busetnad	Port Mòr
Demografi
Folketal	30 (2001)
Folketettleik	5,4 /km²

Muck (skotsk gælisk Eilean nam Muc) er ei øy i Hebridane på vestkysten av Skottland. Muck er den minste av dei fire større øyane i øygruppa Small Isles, med eit areal på 5,59 km². Øya ligg sørvest for Eigg, nordvest for halvøya Ardnamurchan og nordaust for Coll. Det høgaste punktet på øya er Beinn Airein sørvest på øya, 137 meter over havet.

Ved folketeljinga i 2001 var det registrert 30 fastbuande på øya. Dei aller fleste av desse budde i landsbyen Port Mòr søraust på øya. Det er òg ein busett gard ved Gallanach nord på øya. Muck har dagleg ferjesamband til Mallaig på fastlandet og dei andre busette øyane i Small Isles: Eigg, Rùm og Canna/Sanday. I sommarsesongen er det òg båtsamband til Arisaig på fastlandet.

Muck er kjent for den store bestanden av sel. I farvatna rundt Muck er det mange niser.

Kjelder

• Denne artikkelen bygger på «Muck (Skottland)» frå Wikipedia på bokmål, den 18. februar 2010.

Bakgrunnsstoff

• Isle of Muck
• http://www.islemuck.com/history.htm Historia til Isle of Muck