Music from Big Pink

Music from Big Pink Studioalbum av The Band
Utgjeve	1. juli 1968
Innspelt	Tidleg 1968
Sjanger	Rock
Lengd	42:22
Selskap	Capitol
Produsent	John Simon
Kritikk
Allmusic lenkje Rolling Stone lenkje
The Band-kronologi
	Music from Big Pink	The Band (1969)

Music from Big Pink er debutalbumet til rockebandet The Band frå 1968. Albumet inneheld ein av dei mest kjende songane deira, «The Weight». Musikken vart skriven i 'Big Pink', eit hus som Rick Danko, Richard Manuel og Garth Hudson delte i West Saugerties, i New York. Albumet vart spelt inn i studio i New York og Los Angeles i 1968.

Med ei særeigen blanding av country, rock, folk, klassisk musikk, R&B og soul, var Music From Big Pink det første albumet til The Band sommaren 1968. Albumet kom ut etter at bandet hadde vore backingband for Bob Dylan under turneen hans i 1966 (som The Hawks) og spelt inn musikk med Dylan i heimen hans, som i 1975 kom ut som The Basement Tapes.

Albumet fekk frå starten god kritikk, men selde dårleg. Al Kooper gav albumet særs god kritikk i Rolling Stone og fekk folk meir merksame på albumet. Det at Bob Dylan hadde vore med å skrive tre av songane på albumet gav det òg ein del omtale.

I 1968 nådde «The Weight» 68. plass på Billboardlista i USA. Songen vart ein større hit andre stader og nådde 35. plass i Canada og 21. plass i Storbritannia. Albumet nådde 30. plass på albumlista i USA. Songen «The Weight» vart særleg populær etter at han vart nytta i filmen Easy Rider, men vart ikkje teken med på filmmusikkalbumet på grunn av opphavsretspørsmål. Ein coverversjon av bandet Smith vart i staden teken med på albumet.

I 2003 vart albumet rangert på 34. plass på lista til Rolling Stone over dei 500 største albuma gjennom tidene.. Den tilbakelente kjensla på albumet gjorde mange store artistar merksame på det. Til dømes har Eric Clapton sagt at rootsrock-stilen på albumet overtydde han om å slutte i Cream og spele liknande musikk med Blind Faith, Delaney and Bonnie, Derek and the Dominos og på debutalbumet hans. George Harrison var òg imponert over den musikalske kvaliteten på albumet.

Innhald

Side ein

#	Tittel	Lengd
1.	«Tears of Rage» (Bob Dylan, Richard Manuel)	5:23
2.	«To Kingdom Come» (Robbie Robertson)	3:22
3.	«In a Station» (Manuel)	3:34
4.	«Caledonia Mission» (Robertson)	2:59
5.	«The Weight» (Robertson)	4:34

Side to

#	Tittel	Lengd
1.	«We Can Talk» (Manuel)	3:06
2.	«Long Black Veil» (Marijohn Wilkin, Danny Dill)	3:06
3.	«Chest Fever» (Robertson)	5:18
4.	«Lonesome Suzie» (Manuel)	4:04
5.	«This Wheel's on Fire» (Dylan, Rick Danko)	3:14
6.	«I Shall Be Released» (Dylan)	3:19

Ein nymastra versjon av albumet vart utgjeven i 2000 og i tillegg til songane over, inneheldt det alternative spor og uttak:

Bonusspor

#	Tittel	Lengd
12.	«Yazoo Street Scandal» (Robertson)	4:01
13.	«Tears of Rage» (Dylan, Manuel)	5:32
14.	«Katie's Been Gone» (Manuel, Robertson)	2:46
15.	«If in Lose» (Charlie Poole)	2:29
16.	«Long Distance Operator» (Dylan)	3:58
17.	«Lonesome Suzie» (Manuel)	3:00
18.	«Orange Juice Blues (Blues for Breakfast)» (Manuel)	3:40
19.	«Key to the Highway» (Big Bill Broonzy)	2:28
20.	«Ferdinand the Imposter» (Robertson)	3:59

Medverkande

• Rick Danko – bass, fele, vokal
• Levon Helm – trommer, akustisk gitar, perkusjon, vokal
• Garth Hudson – orgel, piano, clavinet, sopran- og tenorsaksofon
• Richard Manuel – piano, orgel, trommer, vokal
• Jaime Robbie Robertson – gitarar, vokal

Kjelder

• Denne artikkelen bygger på «Music from Big Pink» frå Wikipedia på engelsk, den 22. januar 2011.
  • Wikipedia på engelsk oppgav desse kjeldene:

Bakgrunnsstoff

• Notar