Nøtterøy kommune

Nøtterøy kommune
Komm.nr.	0722
Fylke	Vestfold
Adm.senter	Borgheim
Areal	59 km²
Folkemengd	21 011 (1. jan 2012)
Politikk
Ordførar (2007–2011)	Roar Jonstang (H)
Målform	Bokmål
Nettstad	www.notteroy.kommune.no/
Folketalsutvikling 1951-2010
Nøtterøy kommune på Commons

Nøtterøy er ein kommune i Vestfold fylke. Han er ein øykommune med Nøtterøy, Veierland og Føynland som utgjer størstedelen av arealet. I tillegg kjem om lag 175 andre større og mindre øyar. Hovuddelen av folkesetnaden finst på Teie og den nordlege delen av øya. Teie er ein større tettstad som grensar mot Tønsberg kommune. På Teie ligg mellom anna Vinmonopolet og Nøtterøy Sparebank. Her finn ein òg den eine av kommunen sine to ungdomsskular, Teigar.

Andre tettstader er Borgheim, Føynland, Torød, Årøysund, Vestskogen og Kjøpmannskjær. Nøtterøy er saman med Tjøme kommune kjend for sin vakre skjérgard.

Borgheim er administrasjonssenter, her finn ein kommune- og kyrkjeadministrasjon. I tillegg ligg brannstasjonen som er ein del av Vestfold Interkommunale Brannvesen her. Nøtterøy videregående skole ligg òg her. På Borgheim finn ein den andre ungdomsskulen, Borgheim ungdomsskole.

Nøtterøy sitt høgaste punkt er Vetan med sine 101 moh. Det nest høgaste punktet er Vardås.

Innbyggarnamn

Ein person frå Nøtterøy blir kalla «nøttlending».

Kjende nøttlendingar

• Trygve Bratteli (1910-1984), politikar (Ap), statsminister
• Jan Peder Syse (1930-1997), politikar (H), statsminister
• Jørn Magdahl, politikar, tidlegare landsleiar for RV

Bakgrunnsstoff

• Teigar ungdomsskule
• Borgheim ungdomsskule
• Nøtterøy videregående skole
• Kommunefakta Vestfold frå Statistisk Sentralbyrå

Fotnotar

Denne geografiartikkelen er ei spire. Du kan hjelpe Nynorsk Wikipedia gjennom å utvide han.