NSB type 72
| NSB type 72 | |
|---|---|
| |
| Informasjon | |
| Type | Elektrisk motorvogn |
| Litra | BMa + BC + BP + BMb |
| Produsent | AnsaldoBreda |
| Byggeår | 2001–2005 |
| Bygde sett | 36 |
| Passasjerar | 306 |
| Spesifikasjonar | |
| Drivhjuldiameter | 920 mm |
| Lengd | 84200 mm |
| Høgd | 4250 mm |
| Totalmasse | 160 tonn |
| Banemotor | 2× MTA F6 373V |
| Toppfart | 160 km/t |
| Yting | 3,616 hk |
| 2655 kW | |
NSB type 72 er eit elektrisk motorvognstog beståande av fire vogner. Det blir brukt til lokaltrafikk på Jærbanen og saman med dei eldre NSB type 69 for lokaltrafikk rundt Oslo. Togtypen blei sett i drift i 2002. Alle dei 36 togsetta blei bygde av italienske Ansaldobreda. Samanlikna med type 69 er type 72 utstyrt med større vindauge og elektronisk informasjonssystem. Toga er òg betre tilpassa funksjonshemma og settet har litt betre plass enn sjølv dei største utgåvene av type 69.
Type 72 blir køyrt i togsett med fire vogner. I kvar ende er det vogner med månads-/periodekort. Desse har òg førarhus, noko som gjer at togsetta slepp å snu ved endestasjonar (for eksempel Stavanger Stasjon). Dei to vognene i midten er alltid betjent og har òg toalett (tilpassa funksjonshemma). Kvart togsett har omtrent like mange sitteplassar i kvar køyreretning.
Dei første togsetta blei bestilt i 1999 og blei levert til Drammen hamn i 2002 med lasteskip frå Italia. Dei fire første togsetta kom i drift på Jærbanen i november 2002. 27. mars 2006 blei det foreløpig siste settet levert til NSB.
Spesifikasjonar[endre | endre wikiteksten]
- Lengd: 85,7 m
- Eigenmasse: 161,2 tonn
- Sitteplassar: 310
- Maksimal snøggleik: 160 km/t
Bakgrunnsstoff[endre | endre wikiteksten]
- Jernbane.net si side om type 72 Arkivert 2006-02-13 ved Wayback Machine.
- Databaseoppføringar på type 72
- Denne artikkelen bygger på «NSB type 72» frå Wikipedia på bokmål, den 7. desember 2008.