New Forest-ponni
New Forest-ponnien er ein britisk ponnirase som opphavleg kjem frå New Forest i England.
Raseskildring[endre | endre wikiteksten]
Rasen kan ha ei mankehøgd på opptil 148 cm. Hovudet skal etter rasestandarden vere lite og ponniaktig. Skuldrene skal vere skrå og bringa djup.
Historie[endre | endre wikiteksten]
Heilt tilbake på 1000-talet fekk folk beiterett i New Forest, som var eit kongeleg jaktområde. Sidan den tid har det levd ponniar i området. Opp gjennom tidene har det vorte kryssa inn mellom anna arabarhest, engelsk fullblodshest, welsh-ponni og hackneyhest. I seinare tid har det også vorte kryssa inn andre britiske ponnirasar.
Førekomst[endre | endre wikiteksten]
På dei britiske øyene er New Forest-ponnien ein av dei mest talrike ponnirasene. Til Noreg kom ponnien på 1970-talet med importar frå England og Danmark.
Bruk[endre | endre wikiteksten]
New Forest-ponnien er ein mykje brukt konkurranseponni. Han vert ofte ridd av barn og ungdom, men kan også nyttast av lette vaksne.