Nigeriabedrageri

Nigeriabedrageri, også kalla nigeriasvindel eller berre nigeriabrev, er ein type svindel som gjennom eit brev prøver å lura mottakaren til å senda pengar til avsendaren, ved å lokka med tomme lovnader om stor profitt.

Nigeriabedrageri er særs vanleg på Internett. Ein typisk metode er at svindlarane påstår at dei har mykje pengar (t.d. ein arv) og treng assistanse frå ein person i eit industriland til å oppretta ein bankkonto for å få gjennomført ein pengetransaksjon. Som motyting skal offeret motta ei økonomisk godtgjersle, gjerne ein viss prosent av totalsummen.

Dei opphavlege nigeriabreva oppgav ofte ei avsendaradresse i Nigeria, derav namnet. Men i dag kan nigeriabrev koma frå alle slags land.

Sjå òg

• Phisking (fråluring av personleg informasjon istadenfor pengar)
• Spamming (masseutsending av elektroniske meldingar)
• Søppelpost (det stadig aukande problemet med uønskte brev frå ukjende menneske)
  Denne dataartikkelen er ei spire. Du kan hjelpe Nynorsk Wikipedia gjennom å utvide han.