Nikolaj Benois
Nikolaj Leontjevitsj Benois (russisk:Николай Леонтьевич Бенуа) (13. juli 1813–23. desember 1898) var ein russisk arkitekt som arbeidde i Peterhof og andre forstader til St. Petersburg.
Liv og gjerning [endre]
Benois var fødd av franske foreldre i Russland og studerte ved St. Petersburgs kunstakademi frå 1827 til 1836. Åtte år seinare var han av tsar Nikolaj I utnemnd til hoffarkitekt og fekk då oppsyn med fleire byggeprosjekt i byen Peterhof, i særleg grad med stallane til keisaren (1847-52).
Benois teikna nokre av dei fyrste jarnbanestasjonane i Russland, fram om alt i Strelna, Tsarskoje Selo, og nye Peterhof. Den siste vert rekna for meisterstykket hans. I 1800-talets Russland var Benois kjend for å vere tilhengar av nygotisk stil i arkitektur og utsmykking.
Benois hadde tre søner som alle vart lagd merke til i si samtid. Aleksandr Benois var målar og er særleg kjend som scenograf. Også Albert Benois var målar, medan Leon Benois var ein kjend arkitekt. Mellom barneborna hans fann ein Jevgenij Lanceraj og Zinaida Serebrjakova.
- Denne artikkelen bygger på «Nicholas Benois» frå Wikipedia på engelsk, den 14. april 2010.
