Nils N. Finnøy motorfabrikk

Frå Wikipedia – det frie oppslagsverket

Nils N. Finnøy motorfabrikk vart stifta av Nils N. Finnøy, som i 1903 laga den fyrste motoren på Finnøya utanfor Molde[1]. Dei fyrste motorane var firetakts forgassarmotorar, men etter ei stund gjekk han over til firetakts glødehovudmotorar og i 1906 gjekk han over til totakts glødehovudmotorar[1]. Dei fyrste åra dreiv Finnøy produksjon i liten skala i ei smie, men rundt 1910-1912 var etterspurdnaden så stor at produksjonen var utvida og i 1915 vart det bygd eige jarnstøyperi[1]. Medan Finnøy i starten produserte småmotorar vart det etter kvart utvikla større motorar og skal ha vore den fyrste norske båtmotorprodusenten som produserte motorar på over 100 hk. I 1918 vart den fyrste norskproduserte firesylindra motoren produsert[1]. Finnøy var òg den siste norske produsenten av glødehovudmotorar. Produksjonen heldt fram heilt til 1975. Den største motoren var på 360 hk.

Kjelder[endre | endre wikiteksten]

  1. 1,0 1,1 1,2 1,3 Finnøy, Semidiesel.no