Nordfjord Folkemuseum

	Nordfjord Folkemuseum
	; Holvikjekta er ein del av Norfjord Folkemuseum si samling
	Nordfjord Folkemuseum
Stad	Sandane
Skipa	1920
Opna	25. juli
Museumstype	Folkemuseum
Direktør	Aslaug Nesje Bjørlo
Nettstad	www.sfj.no/cms/nf/cms.nsf
; Nordfjord Folkemuseum; 61°46′22″N 6°13′16″E / 61.7728°N 6.221°E

Nordfjord Folkemuseum i Åsen på Sandane i Nordfjord vart offisielt opna 25. juli 1920. Alt i 1907 var det fleire møte om å opprette eit museum i Nordfjord. Då Nordfjord Sogelag vart skipa i 1908 var museumsaka viktigaste oppgåve for dette laget. Kommunane i Nordfjord skulle bestemme kvar museet skulle ligge. Mellom dei var det like mange som meinte at det burde plasserast på Nordfjordeid, som på Sandane. Årsmøtet i Nordfjord Sogelag vedtok i 1909 at Sandane skulle veljast. Det vart sett i gang å samle inn pengar, og å kjøpe inn og reise gamle bygningar. Det vart og samla inn gjenstandar. I 1915 fekk museet eige styre, som vart underlagt styret i Nordfjord Sogelag.

Det synte seg at museumsområdet vart for trongt. Først på 1960-talet vart difor alle bygningane flytt til Jølet på Sandane. Her er det oppsett over 40 eldre hus. I 1995 vart det opna ein nytt eldfast arkiv- og magasinbygning. Det vert og brukt av administrasjonen.

I eit eige jektenaust på Austrheim, vest for Sandane sentrum, står Holvikjekta. Ho vart bygd i 1881, og sett på land i 1905.

Nordfjord Folkemuseum har sidan 2009 vore ei avdeling under det konsoliderte museet Musea i Sogn og Fjordane.