Norske Samers Riksforbund

Sametingsgruppa til Norske Samers Riksforbund i perioden 2005-2009.

Foto: Norske Samers Riksfobund

Norske Samers Riksforbund (fork. NSR, sam. Norgga Sámiid Riikkasearvi) er den største samiske organisasjonen i Noreg. Organisasjonen stiller vallister ved Sametingsval og har lenge samarbeidd med Samefolkets parti og Samepolitisk Råd i Senterpartiet politisk.

NSR blei stifta 30. november 1968, men historia til organisjonen går lengre tilbake. Den første sameforeininga på norsk sida blei stifta allereie i 1906, to år etter Elsa Laulas mananda appell frå 1904 og den første foreininga på svensk sida. NSR blei grunnlagd som eit samband av dei lokale sameforeiningane i Finnmark og Oslo Sámiid Searvi. NSR stod sentralt i kampen mot utbygging av Alta-Kautokeino vassdraget. Dei tre første presidentane til det norske Sametinget, Ole Henrik Magga, Sven-Roald Nystø og Aili Keskitalo, har komme frå NSR. Leiar av Norske Samers Riksforbund er Aili Keskitalo frå Kautokeino. NSR har sitt hovudsekretariat i Guovdageaidnu/Kautokeino, der Thomas Nygård er sekretariatsleiar.

Liste over leiarar

• Aili Keskitalo: 2008 -
• Silje Karine Muotka: 2006 - 2008
• Martin Urheim (konst.): 2005 - 2006
• Aili Keskitalo: 2003 - 2005
• Klemet Erland Hætta: 2001 - 2003
• Jánoš Trosten: 1998 - 2001
• Geir Tommy Pedersen (konst.): 1997 - 1998
• Sven-Roald Nystø: 1995 - 1997
• Nils Thomas Utsi: 1991 - 1995
• Ragnhild Lydia Nystad: 1985 - 1991
• Ole Henrik Magga: 1980 - 1985
• Odd Ivar Solbakk: 1979 - 1980
• Peder Andersen: 1976 - 1979
• Odd Mathis Hætta: 1974 - 1976
• Regnor Solbakk: 1971 - 1974
• Johan Mathis Klemetsen: 1969 - 1971

Bakgrunnsstoff

• Norske Samers Riksforbund

Denne samiske artikkelen er ei spire. Du kan hjelpe Nynorsk Wikipedia gjennom å utvide han.