Ole Hansson Skogshavn
| Ole Hansson Skogshavn | |
| Statsborgarskap | Noreg |
| Fødd | 1789 Dyrøy kommune |
| Død |
19. mars 1859 (69 år) |
| Yrke | bonde, politikar |
| Språk | norsk |
Ole Petter Hansson Skogshavn (1789–19. mars 1859) var ein norsk gardbrukar og stortingsmann frå Dyrøy i Troms.
Skogshavn var son av ein gardbrukar og fiskar. Han tok i si tid over farsgarden Skogshavn og dreiv denne. Han kom i 1838 med i det fyrste heradsstyret i Dyrøy, der han var medlem til 1848. I tillegg var han med i forlikskommisjonen og fleire gongar valmann.
Skogshavn representerte Finmarkens amt, ein felles krins for Troms og Finnmark, på Stortinget 1836-39. Både i 1836 og på omframstortinget 1836-37 var han medlem av næringskomiteen, i 1839 var med i næringskomite nr 2.
Han døydde på garden sin i Dyrøy i 1859.
Kjelder[endre | endre wikiteksten]
- Lindstøl, Tallak:Stortinget og Statsraadet 1814-1914. Kristiania, 1914