landskapet Land
60°50′N 10°10′E / 60.833°N 10.167°E Land er eit landskap i Innlandet fylke og er fellesnamn på dei store jordbruks- og skogtraktene omkring nordre del av Randsfjorden og oppover mot Valdres og Vestre Gausdal. Administrativt er området delt inn i kommunane Nordre-Land og Søndre Land. Det gamle Land herad vart delt i Nordre og Søndre Land 1. januar 1848.
Riksveg 35 fører gjennom distriktet. Det meste av busetnaden finst langs Randsfjorden og i dei to hovuddalane som munnar ut i nordenden. Der dei to dalane møtest, ligg den største tettstaden, Dokka, administrasjonssenter i Nordre Land kommune, med betydeleg industri. Også Hov, administrasjonssenter i Søndre Land kommune har atskilleg industri. Land utgjer saman med Hadeland eit tingrettsdistrikt og eit prosti.
Kjelder[endre | endre wikiteksten]
- Delar av denne artikkelen bygger på «Land (landskap)» frå Wikipedia på bokmål, den 22. september 2012.
«Land – landskap i Oppland» av Kunnskapsforlagets papirleksikon i Store norske leksikon, snl.no.