Orkla ASA
| Orkla ASA | |
| Org.nr. | 910747711 |
|---|---|
| Etablert | 1654 |
| Dotterselskap | Borregaard, Elkem, Sapa og ei rekke merkevareselskap |
| Hovudkontor | Oslo, Noeg |
| Bransje | Konsumentvarer Materialar, Aluminium |
| Tal på tilsette | 35 000 (2007) |
| Resultat | NOK 5 112 millionar (2007) |
Orkla ASA (OSE: ORK) er eit av dei største børsnoterte selskapa i Noreg, med verksemd innan kjerneområda merkevarer, spesialmaterialar og finansielle investeringar. Orkla omsette i 2007 for 64 milliardar kroner og hadde 35 000 tilsette.
Orkla selde sommaren 2006 mediedivisjonen sin, Orkla Media, til det britiske selskapet Mecom.
Orkla sitt kanskje mest kjende produkt er pizzaen Grandiosa.
I dag omfattar Orkla blant anna REC (39,73% eigd av Orkla), Stabburet, Nidar, Lilleborg, Elkem, Sapa og Borregaard. Selskapet har sitt formelle hovudsete i Sarpsborg. Kontor- og administrasjonsadressa er i Oslo.
Innhaldsliste |
Historie[endre]
Orkla har røtene sine tilbake til gruvedrifta på Løkken Verk i 1654. Det moderne Orkla blei grunnlagt i 1904 av Christian Thams, under namnet Orkla Grube-Aktiebolag. Christian Thams, med Farsund-reiaren Christian Salvesen som finansiell partner, tok opp igjen gruvedrifta på Løkken Verk etter at den hadde vore nede nokre år. Orkla ASA reknar likevel 1654 som stiftingsåret sitt, og feira 350-årsjubileum i 2004.
Gruvedrifta på Løkken tok slutt i 1987.
Nokre av Orkla sine konsernsjefar[endre]
- Dag Jakob Opedal (24. januar 2005–)
- Finn M. Jebsen (2001–24. januar 2005)
- Jens P. Heyerdahl d.y. (1979–2001)
- Konsul Christian Thams (adm. dir.) (1904–1910)
Nokre av Orkla sine styreleiarar[endre]
- Stein Erik Hagen (2005–)
- Johan Fredrik Odfjell (2002–2005)
- Tom Ruud (2001-2002)
- Finn Hvistendahl (2000-2001)
- Jacob Wallenberg (1958–1970)
- Visa Häradshövfding Marcus Wallenberg sr. (1912–1943)
- Hoffjegermester Thomas Nicolai Fearnley (–1912)
Marknadsverdi[endre]
Orkla sin marknadsverdi på Oslo Børs var per 6. august 2008 oppe i 119 milliardar kroner. Orkla-aksjen blir handla under tickeren ORK.
